മരിയെചെം സർഗിം ആരഹണ15 അഗസ്ത് 2012 ആയ്ച വിസ്യ്: മരി ആഞ്ചാ ജിവിതാന്ത്
ജുംവാംവ്ക് മെള്ളെലെം ഉഗ്ഡാപണാന്ത്ലെം പയ്ലെം വാചാപ് 11:19, 12:1-6, 10 സ്ത്രി ആനിം മാഹാ സരപ്
കരിന്ഥഗാരാങ്ക് ബരയ്ലാ പയ്ൽയാ, പത്രാന്ത്ലെം, ദുസ്രെം വാചാപ് 1 ചർ 15-20-27 മർനാചെർ ജയ്ത് വെല്ല ജെജു ആങ്കാ ആപ്ൽയാ ബാപാ മുകാർ ഹാഡ്താ.
ലുകാചാ വാഞ്ജെലാന്ത്ലെം ആയ്ചെം വാചാപ് 1:39-56 എലിജാബെതി ചാ ഗർബെസ്തപണാചി ഖബർ ആയ്കൻ, മരി ആപ്ൽയാ മാവ്-ശെ ഭയ്ണിക് ഭെടങ്ക് വെതാ.
ഭാഗെവന്ത് ബാപ് പാപ് സായ്ബ് പിയുസ് ബാരാവ ആഞ്ചാ ജിവിതാന്ത് രംബൻ ഗെലാ.
താണിം 1950 നവെംബരാചാ എക് താരികെർ മരിയെചെം സർഗിം ആരഹണാഞ്ചെ ഫെസ്ത് സമെസ്ത് ക്രിസ്താവാങ്ക് ദിലെം
ഭാരതാന്ത് ഹെം ഫെസ്ത് ആമിം അഗസ്താചാ 15 താരികെർ ആചർസിതാംവ്.
ഹ ദിസ് ആങ്കാം ഭാരതിയാങ്ക് എക് വർത്യാ സന്തസാച.
ആമിം 1947 ഇസ്വെന്ത് സ്വതന്ത്ര് ദെശ് ജാൽയാംവ്.
ആഞ്ചാ സമെസ്ത് ഭിസ്പാനി മെളൻ ഹ ദിസ് ആങ്കാം മരിയെചെം സർഗിം ഘെംവ്ചെ ഫെസ്ത് ആചാർസുച ദിസ് ജാവ്ന് നമിയാർല.
മരിയെക് ക്രിസാംവ് സമഡ്തിചാ ജിവിതാന്ത് എക് മഹത്വാച ജാഗ വാതികാൻ ദുസ്ര്യാ സഭെൻ പർതുൻ ഘട് കെല.
തികാ കുഡി അതംയാ സമെത് സർഗാർ ഘെവ്ന് ദെവാബാപാ, ദെവാ പുതാ ആനി ദെവാ സ്പിരിതാൻ മാൻ ദിലാ.
തി ജിജ് ജാവ്ന് രാണി രായാം രായാഞ്ചി.
ദെവാചാ പവിത്ര് പിരാണാൻ ഇഗർജമാതെചാ ജിവിതാച ആധാർ.
താണെം ആപ്ൽയാ പ്രഭാവാൻ ജെജുചാ സിസാങ്ക് ബൾ ഘടായ് ദീവ്ന് ഇഗർജ് മാതെക് ശാസ്വിത് രിതിൻ ഹ്യാ സംസാരാന്ത് ബാന്ദുക് കുമക് കെൽയാ.
താണെഞ്ച് മരിയെക് ഇഗർജെന്ത് എക് വിശെസ് ജാഗ ദിലാ.
തിണെ ജെജു സാംഗാതാ ജെജുചാ മിസാംവാന്ത് സംപർൺ' രിതിൻ വാണ്ട ഘെത്ല.
ആതാം തി തിചാ പുതാ സാംഗാതാ ത കസ ബാപാ സാംഗാതാ ആസാഗി തശെഞ്ച് തിയ് ആതാം താഞ്ചാ സാംഗാതാ കുഡി അതംയാ സാംഗാതാ ജിയെതാ.
തി പാത്കാവിൺ' ഖതാവിൺ' മരി ആജ് സമെസ്ത് ലകാചി ശാരതിൺ'.
ദെവാൻ തികാ തിചാ ഭളെപണാക് ലാഗൻ തികാ കുഡി അതംയാ സമെത് സർഗാർ ആപൻ വെലാം.
ദെവാൻ തികാ താചാ പുതാചി ഖതാവിൺ' ആവയ് മ്ഹുൺ' രച്ലെം.
തിണെം ആപ്ലി ജിണി ദെവാചാ സെവെ ഖാതിർ സമർപിത് കെലി.
തികാ ദെവാചെം ആപണെ ആയ്ലെം ആനി തിംണെ തെം ആപണെം സ്വികാർ കർൻ മ്ഹുളെം ഹാംവ് ദെവാചി ചാകർൻ.
മരിയെക് ദെവാൻ പാത്കാ ഥാംവ്ന് രാക്ലെം.
ഹെം താണെം ആപ്ൽയാ പുതാചാ ജൽമാ ഖാതിർ എക് അചര്യെം ഘഡ്ലെം.
ആങ്കാം സമെസ്താങ്ക് ദെവാൻ രച്ലാം വയ് പുൺ' ആമിം സമെസ്ത് ആഞ്ചാ ആദി ആവയ് ബാപായ്ചിം ഭുർഗിം താംണി അവിധെയ്പണാൻ താഞ്ചെ പവിത്ർപൺ' ഹഗ്ഡായ്ലെം.
താച പ്രതിഫൾ ആമിം പാത്കാന്ത് ജൽമാതാംവ്.
ജെജുൻ ആങ്കാം പാത്കാചാ മുൾ ഗുംവാവാം ഥാവ്ന് സഡയ്ലാം
ഹാചി എക് നിജ് രുപ് ജാവ്നാസാ ജെജുചി ആവയ് മരി.
തികാ നംയ് ഖാലി ജെജുചി ആവയ് ജാംവ്ചെ ഭാഗ് മെള്ളെം ബഗാർ തി പാത്കാചാ ഗുംയാവാന്ഥാവ്ന് ബചാവ് ജാലി.
ദെകുൻ മർനാ ഉപ്രാന്ത് ദെവാൻ തികാ സർഗിം ഘെത്ലെം ആനിം താഞ്ചാ സാംഗാതാ ദവ്രിലാം.
ആമിം സമെസ്ത് ദെവാചാ നദ്രെന്ത് ബരാബർ.
പുൺ' പാത്കാച വസ ആഞ്ചെ ഥംയ് ആസാ ദെകുൻ ആമിം പാത്കാചാ ഖടെപണാന്ത്ലെ ബചാവ് ജാതാം വരെഗ് ആങ്കാം പ്രയ്തൻ കർൻ പാത്കാചി സുട്കാ മെളം തയാരായ് കരുങ്ക് ആസാ.
ജെജുക് മരിയെൻ ദുസ്ര്യാ സ്രിംയാ ബരിം ജൽം ദില.
തികായ് യെണ എവ്ന് തിണെ ജൽം ദിംവ്ച അംഭവ് ജഡ്ല.
പുൺ' തികാ ദെവാൻ പാത്കാചാ ഖടെപണാന്ത്ലെ രാക്ലെം.
മരിയെക് തിചാ പുതാചാ കസ്ടാഞ്ചി വളക് ആസ്ലെലി.
തിണെം തിചാ പുതാക് ഖുർസാചെം മർൻ, ഖുർസാചെ വള്വളെ പളെലെ.
എകെ ആവയ്ക് തിചാ പുതാൻ സസ്ചെ കസ്ട് സസുങ്ക് കശ്ട് ജാലെ ജാൽയാരി തി ജെജു സാംഗാതാ ഖുർസാചാ വാടെർ ചല്ലി.
ആജ് ആമിം ഭാരിതി സ്വതന്ത്ര് മുൺ' ആങ്കാം വൾകാതാംവ്.
പാത്കാന്ത്ലി സഡ്വൺ' ആനിം ദുസ്ര്യാചാ ഗുലാമ്മപണാന്ഥാവ്ന് സഡ്വൺ' ജരുർ എകാമെകാക് സംബദ് ജാല്ലി ഗജാൽ.
ആമിം ഇംഗ്ലെണ്ഡാചാ ലകാ അധിൻ ആസ്താനാ ആങ്കാം സ്വതന്ത്ര് കിതെം മ്ഹുൺ' സഞ്ഝങ്ക് നാം.
താംണി ആഞ്ചെം ദായ്ജ് താഞ്ചാ ദെശാക് സാഗ്സിലെം.
ആങ്കാം സഞ്ജങ്ക് നാം.
ആജ് ആമിം ജെദ്വാം ആങ്കാം ആഞ്ചെർ കസ്ട് എതാത്, ദഗ്ദണി എതാ തവൾ ആമിം സഞ്ജാതാംവ് സ്വതന്ത്ര് മ്ഹുള്യാർ കിതെം?
ആജ് ആങ്കാം ദെവ് ആഞ്ചെ ജിവിത് തയാർ കരുങ്ക് പാവ്ട് ദിതാ.
മരിയെൻ കശെം ദെവാചി ചാകാർൻ ജാവ്ന് താചി ഖുശി കരുങ്ക് പ്രയ്തൻ കെലെം ഗി തിച് അവസ്താ ആജ് ആഞ്ചി ജായ്ജയ്.
ആമിം ആഞ്ചെ കാമ്മ' ഖാൽതെപണി കർൻ ദെവാചെം രാജ് പർഗടുങ്ക് പ്രയ്തൻ കരിജയ്.
ആയ്ചെം പയ്ലെം വാചാപ് ആങ്കാം സാംഗ്താ കശെം ദെവ് മഹാസർപാക് ബാന്ദുൻ ഘാൽൻ നവെം താചെം രാജ് ചലയ്താഗി മുൺ' ദാകയ്താ..
ദുസ്ര്യാ വാച്പാന്ത് കരിന്ത് ഗാരാങ്ക് ബരയ്ലെം പത്ര് പാവ്ലു ആങ്കാം മെല്വിചാരാക് ദിതാ.
ജെജുൻ ആങ്കാം പാത്കാന്ത്ലെ സഡയ്ലാം.
ഹെം എക് ബവ് വർതെം കാം കർൻ ആങ്കാം സ്വതന്ത്ര് കർൻ ത ആതാം സർഗാരാജാന്ത് ആങ്കാം ആപവ്ന് ഹരുങ്ക് രാക്താ.
സന്തസ് ജാവ്നാസ് ഹരെകാ മുംശാച എക് മഹത്വപുർൺ' വാണ്ട.
താചി എക് നദർ ആങ്കാം മരിയെചാ ആനി എലിജാബെതിചാ ഭെടെന്ത് പളങ്ക് മെൾതാ.
ദെവാൻ ആങ്കാം പ്രത്യെക് ഥരാൻ ആപവ്ന് താചെം രാജ് പർഗടുങ്ക് ഇഞ്ച്ലാ.
ആജ് ആമിം ഭാരതാചെ നാഗരിക് ആഞ്ചാ ദെശാചെം സ്വാതന്ത്ര് സമ്മാരംബ്താനാ ആങ്കാം ദെവ് പ്രത്യെക് ഥരാൻ താച സ്പിരിത് ദിതാ.
ആമിം ഹ്യാ സ്പിരിതാൻ ഭരൻ ആഞ്ചെം കാം വിദെയ്പണാൻ കെൽയാർ എക് ദിസ് ആമിംയ് ദെവാചാ ഹുജ്രിം കുഡിയൊതംയാ സമെത് രാവ്യെതാ.
ഹെം കരുങ്ക് ആമിം നിരന്തർ പ്രയ്ത്നശിൽ രാവാജയ്.
ആങ്കാം വെൾ മെള്ളാ. ആജ് ആമിം ആഞ്ചാ ദെശാചെം ഫെസ്ത് ആചർസിതാനാ.
ദെവാചാ രാജാചെം വഡ്പൺ' സഞ്ജൻ ദെവാചി ഖുശി ആഞ്ചാ ജിവിതാന്ത് എംവ്ദി മുൺ' മാഗ്യാം.
തുഞ്ചാ മഗാച,
ദെയ്വിക് സബ്ദാച സാന്ദ,
ബാപ് ജുജെ വാസ് എസ്.വി.ഡി.
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ