ಆದ್ವೆಂತಾಚೊ ದುಸ್ರೊ ಆಯ್ತಾ ವೊರ್ಸ್ A: 2013 ದೆವಾಚೆಂ ರಾಜ್ವೊಟ್ ಆವ್ಚಿತ್ ಎಂವ್ಕ್ ಆಸಾ.

ಆದ್ವೆಂತಾಚೊ ದುಸ್ರೊ ಆಯ್ತಾ ವೊರ್ಸ್ A: 2013 ದೆವಾಚೆಂ ರಾಜ್ವೊಟ್ ಆವ್ಚಿತ್ ಎಂವ್ಕ್ ಆಸಾ. ಇಸಾಯಿಯಾ ಪ್ರವಾದಿಚಾ ಬುಕಾಂತ್ಲೆ ಪೊಯ್ಲೆಂ ವಾಚಾಪ್ 11:1-10 ಸುಕ್ಯಾ ಮುಳಾ ಥಾವ್ನ್ ಫುಟ್ತಾ ಎಕ್ ನೊವೊ ಕೊಂಬ್ರೊ. ರೊಮಿಗಾರಾಂಕ್ ಬೊರಯ್ಲ್ಯಾ ಪತ್ರಾಂತ್ಲೆ ದುಸ್ರೆಂ ವಾಚಾಪ್:15:4-9 ದುಸ್ರ್ಯಾ ಧರ್ಮಾಚಾ ಲೊಕಾ ಮೊದೆಂ ಭಾವಾಡ್ತ್ಯಾಂಚಿ ವೊಳೊಕ್. ಸಾಂ ಮಾತೆವಾಚಾ ವಾಂಜೆಲಾಂತ್ಲೆಂ 3:1-12 ಜುಂವಾವ್ ಬಾವ್ತಿಸ್ತ್ ಆಮ್ಕಾಂ ಜಿಣಿ ಬದ್ಲುಂಕ್ ಉಲೊದಿತಾ. ಕ್ರಿಸ್ತಾಂವ್ ಲೊಕಾನ್ ಇತಿಹಾಸಾಚಾ ಪೊಡ್ದ್ಯಾರ್ರ್ ತಾಂಚೊ ಖರೊ ಛಾಪೊ ಸೊಡ್ಲಾ. ಸಂಸಾರಾಂತ್ ದುಸ್ರ್ಯಾ ಧರ್ಮಾಚೊ ಲೊಕ್ ಸ್ವಾಭಾವಿಕ್ ರಿತಿನ್ ಕ್ರಿಸ್ತಾಚಿಂ ಮೊವ್ಲಾಂ ಆಪ್ಣಾವ್ಕ್ ಪಾಟಿಂ ಸರಾನಾ. ಆಮ್ಚಾ ದೀಸಾಂ-ದಿಸಾಂಚಾ ವ್ಯವಹಾರಾಂತ್ ಮುನಿಸ್ ಸ್ವಾಭಾವಿಕ್ ಥರಾನ್ ಕ್ರಿಸ್ತಾಚಿ ಶಿಕೊಣ್ ಆಪ್ಣಾಯ್ತಾ. ನಂಯ್ ಗೀ? ಮುನಿಸ್ ಸ್ವಾಭಾವಿಕ್ ಥರಾನ್ ಸತ್, ಮಾಯಾಮೋಗ್, ನ್ಯಾಯ್ ಆದಿ ದಿಸಾನ್ ದೀಸ್ ತಾಂಚಾ ಜಿವನಾಂತ್ ಉಪಯೊಗ್ಸುಂ ಪ್ರಯತನ್ ಕರ್ತಾ. ಹಾಕಾ ಕಾರಾಣ್ ಕ್ರಿಸ್ತಾಂವಾಚೊ ಸಂಸಾರಾಚಾ ಘಡಿತಾಂಚೆರ್ ಪ್ರಭಾವ್. ಪೂಣ್ ಆಧುನಿಕಿ ಕರಣಾಕ್ ಲಾಗೊನ್ ಆತಾಂ ಸಂಸಾರಾಚ್ಯೊ ರಾಟಾವೊಳಿ ಕ್ರಿಸ್ತಿ ಮೊವ್ಲಾಂಚೆರ್ ಪ್ರಭಾವ್ ಘಾಲುಂಕ್ ಸಕ್ಲ್ಯಾಂತ್. ಹಾಕಾ ಕಾರಾಣ್ ಕ್ರಿಸ್ತೀ ದೆಶಾಂ ಥಾವ್ನ್ ಎಂವ್ಚಿ ಆಂಗ್ಡಿ (ಮಾರ್ಕೆಟ್- ಜಾಗೊತಿತ್) ಚೊ ಪ್ರಭಾವ್. ಆಮಿಂ ಪೊಳೆತಾಂವ್ ಲೊಕ್ ಸಂಸಾರಾಚಾ ಆಂಗ್ಡಿನಿ ಹರೆಕ್ ರಿತಿಚೊ ವೊಸ್ತು ಮೊಲಾಕ್ ಘೆಂವ್ಕ್ ಸಕ್ತಾತ್. ತಾಂತು ದಿಸಾಂನಿ-ದಿಸಾಂಚ್ಯೊ ವೊಸ್ತು ಮೊಲಾಕ್ ಘೆಂವ್ಕ್. ನತಾಲಾಂ ಫೆಸ್ತಾಚಾ ನಾಂವಾರ್ ಆಧುನಿಕ್ ವೊಸ್ತು ಲೊಕ್ ವಿಕುಂಕ್ ಸೊದ್ತಾ. ಅಶೆಂ ಸಡ್ವೊಣ್ದಾರಾಚೊ ಮಹತ್ವ್ ಉಣೊ ಜಾತಾಸೊ ದಿಸ್ತಾ. ಸಂಸಾರಾಂತ್ ದುಡು ಚಡ್ ಮೊಲಾದಿಕ್ ಜಾಲಾ. ಧರ್ಮ್ ಆನಿ ತಾಕಾ ಲಾಗು ಜಾವ್ಚೊ ವೊಸ್ತುಂಚೊ ಪ್ರಭಾವ್ ಉಣೊ ಜಾಲಾ ಸೊ ದಿಸ್ತಾ. ಪೊಯ್ಲೆಂ ನತಾಲಾಂ ಫೆಸ್ತಾಚಾ ನಾಂವಾರ್ ಗರ್ದಾನಾ ಗೊಟೊ, ತಾಕಾ ಜಾಯ್ ತ್ಯೊ ವೊಸ್ತು ಮೆಳ್ತೊಲ್ಯೊ. ಪೊಯ್ಲೆಂ ಗರ್ದಾನಾ ಗೊಟೊ ತಯಾರ್ ಕರುಂಕ್ ಮುನಿಸ್ ಕಿತ್ಲಿ ಮಿನತ್ ಕರ್ತೊಲೊ? ಆತಾಂ ಮುನ್ಶಾಕ್ ಮಿನತ್ ಕರಿಜಯ್ ಮುಣ್ ನಾಂ ತಯಾರ್ ಗರ್ದಾನಾ ಗೊಟೊ ತುಕಾ ಜಾಯ್, ತೊ ಮೆಳ್ತಾ. ಆಮಿಂ ಆದ್ವೆಂತಾಚಾ ದುಸ್ರ್ಯಾ ಹಪ್ತ್ಯಾಂತ್ ಪ್ರವೆಷ್ ಕರ್ನ್ ಜಾಲೆಂ. ಕಿತ್ಲೆ ವೆಗ್ಗಿಂ ದೀಸ್ ಧಾಂವ್ತಾತ್ ತೆಂ ಕಳಾನಾ. ದುಸ್ರ್ಯಾ ಹಪ್ಯಾಂತ್ ಆಮಿಂ ಇಸಾಯಾ ಪ್ರವಾದಿಚಾ ಪುಸ್ತಕಾಂತ್ ಥಾವ್ನ್ ವಾಚ್ಲೆಂ ಕಶೆಂ ಆಮ್ಚೊ ಸಡ್ವೊಣ್ದಾರ್ ಎತಾ. ತಾಚೆಂ ಎಣೆಂ ಎಕ್ ನೊವೆಸಾಂವ್ ಹಾಡ್ತಾ. ತೊ ಎತಾನಾ ಕಶೆಂ ಸಂಸಾರಾಂತ್ ಎಕ್ವೊಟ್, ಮಾಯಾಮೊಗ್, ನ್ಯಾಯ್ ಆನಿ ಸಮಾದಾನ್ ಹಾಡ್ತಾ. ಆಮ್ಚಾ ಜಿವನಾಂತ್ ತೊ ಪ್ರವೆಶ್ ಕರಿತ್ ಜಾಲ್ಯಾರ್ ಆಮ್ಕಾಂ ಕಸಲಿಚ್ ಭಿರಾಂತ್ ಆಸ್ಚಿ ನಾಂ. ತೊ ಜರ್ ತರ್ ಆಮ್ಚಾ ಜಿವನಾಂತ್ ಪ್ರವೆಶ್ ಕರ್ತಾ ತವೊಳ್ ಲ್ಹಾನ್ ಬಾಳ್ಶೆಂ ಶಿಂವಾಂಚ್ಯಾ ಮಾಟ್ಯಾ ಮುಕಾರ್ ಬೊಸೊನ್ ಖೆಳ್ತೆಲೆಂ. ಆಮಿಂ ಹ್ಯಾ ಸಂಸಾರಾಂತ್ ಭೆಂಭಿರಾಂತ್ ನಾಸ್ತಾನಾ ಜಿಯೆವ್ಯೆತಾ. ಸುಕ್ಯಾ ಕೊಂಬ್ರ್ಯಾ ಥಾವ್ನ್ ಎಕ್ ಫಾಂಟೊ ಫುಟೊಂಕ್ ಸಯ್ತ್ ಸಕ್ತಾ. ಹೆಂ ಅಚರ್ಯೆಂ ನಂಯ್ ವೇ? ಜಶೆಂ ಜೆರುಸಾಲೆಮಾಚೆ ದೀಸ್ ಬೊರೆ ಜಾಲೆ ತೆಂಚ್ ಸತ್, ಆಮ್ಚಾ ಜಿವನಾಂತ್ ಸಯ್ತ್ ಜಾಂವ್ಕ್ ಸಕ್ತೆಲೆಂ. ದುಸ್ರ್ಯಾ ವಾಚ್ಪಾಂತ್ ಆಮಿಂ ಪೊಳೆತಾಂವ್ ಸಾಂ ಪಾವ್ಲ್ ರೊಮಾಗಾರಾಂಕ್ ಸಾಂಗ್ತಾ ತಾಣಿಂ ತಾಂಚಾ ಜಿವನಾಂತ್ ಥಾಂವ್ನ್ ಪಾತ್ಕಾಂ ಕಾಡ್ನ್ ಉಡಯ್ಜಯ್. ಥಂಯ್ ಥಾವ್ನ್ ತಾಂಕಾ ಭರ್ವೊಶ್ಯಾಚೆಂ ಕೀರ್ಣ್ ಮೆಳ್ತೆಲೆಂ. ಆಧುನಿಕ್ ಮುನಿಸ್ ಮಾದ್ಯಮಾಂಚಾ ಪ್ರಭಾವಾನ್ ಮೊಸ್ತ್ ಬೊರೊಯ್ ಜಾಲಾ ಆನಿ ತಾಚೆಂ ಜಿವನ್ ಪಾಡ್ ಯೀ ಜಾಲಾಂ. ಕಸಲೆಂಯ್ ತೆಂ ಜಾಂವ್ ಮಾದ್ಯಮಾಂ ಥಾವ್ನ್ ಮುನಿಸ್ ವಾಚುಂಕ್, ಪೊಳೊಂಕ್, ಆನಿಂ ಆಯ್ಕೊಂಕ್ ಸಕ್ತಾ. ಆಯ್ಚೊ ವಾಂಜೆಲ್ ಆಮ್ಕಾಂ ಸಾಂಗ್ತಾ ಕಶೆಂ ದೆವಾಚೊ ಪೂತ್ ಪೊರ್ತ್ಯಾನ್ ಎತೊಲೊ. ಕಶೆಂ ಆಮಿಂ ತಾಚಿ ವಾಟ್ ಪೊಳೋನ್ ರಾವಾಜಯ್. ಜೊನ್ ಬಾವ್ತಿಸ್ತ್ ಆಮ್ಕಾಂ ಜೆಜು ಖಾತಿರ್ ಆಮ್ಚಿಂ ಪಾತ್ಕಾಂ ವೊಳ್ಕೊಂಕ್ ಉಲೊ ದಿತಾ. ಕಶೆಂ ತಾಚಿಂ ಉತ್ರಾಂ ಆಯ್ಚಾ ಕಾಲಾರ್ ಆಮ್ಕಾಂ ಆಮ್ಚಾ ಮೊತಿಂತ್ ಖಂಚೊಕ್ ಸಕ್ತಾತ್????? ಜೆಜು ತಾಚಾ ಶಿಸಾಂ ಸಾಂಗಾತಾ ಆಸ್ತಾನಾ ತಾಂಕಾ ತೊ ಶಿಕೊಣ್ ದಿತೊಲೊ. ಆಜ್ ತೊ ಆಮ್ಕಾಂ ಮಿಸಾ ವೆಳಾರ್ ತಾಚಿ ಶಿಕೊಣ್ ದಿತಾ. ಆಮಿಂ ಚೀತ್ ದೀವ್ನ್ ತಾಚಿಂ ಉತ್ರಾಂ ಆಯ್ಕೊಂವ್ಯಾ. ಜೆಜು ಆಮ್ಕಾಂ ತಾಚೊ ಖರೊ ಸಂತೊಸ್ ತಾಚೆಂ ಸಾಮಾದಾನ್, ತಾಚೊ ಮೋಗ್, ತಾಚಾ ಸಡ್ವೊಣೆಚೊ ಆಧಾರ್ ದೀಂವ್ಕ್ ಆಶೆತಾ. ಆಮಿಂ ಹೆಂ ಆಮ್ಚಾ ಕಾಳ್ಜಾನಿ ಘೆಂವ್ಕ್ ತಯಾರ್ ಜಾಂವ್ಯಾ. ಹಾಕಾ ಆಮಿಂ ಆಮ್ಚಿಂ ಕಾಳ್ಜಾಂ ಪಾತ್ಕಾ ವೀಣ್ ಕರುಂಕ್ ಪ್ರಯತನ್ ಕರ್ಯಾಂ. ಹಾಕಾ ಫಾವೊತೊ ಕಾಳ್ ಜಾವ್ನಾ ಸಾ ಆದ್ವೆಂತ್. ಆಯ್ಚಾ ವಾಂಜೆಲಾಂತ್ ಜೊನ್ ಬಾವ್ತಿಸ್ತ್ ಆಮ್ಕಾಂ ಆಮ್ಚಿ ಜಿಣಿ ಬದ್ಲುಂಕ್ ಉಲೊ ದಿತಾ. ಸರ್ಗಿಂಚೆ ರಾಜ್ ಲಾಗಿಂ ಪಾವ್ಲಾಂ ಮ್ಹುಣ್ತಾ ತೊ. ಥಂಯ್ ಪಾಂವೊಕ್ ಆಮಿಂ ಪಾತ್ಕಾಚಿ ದೂಖ್ ಧರ್ನ್ ಆಮ್ಚಿಂ ಪಾತ್ಕಾಂ ರಡೊಂಕ್ ಜಾಯ್. ಎಯಾ ಹೆಂ ಕರುಂಕ್ ಆಮಿಂ ಹ್ಯಾ ವೆಳಾರ್ ಪೆಚಾಡ್ಯಾಂ. ತುಮ್ಚಾ ಮೊಗಾಚೊ ಬಾಪ್ ಜುಜೆ ವಾಸ್ ಎಸ್.ವಿ.ಡಿ.