ತಳ್ಯಾ ತಡಿವೊಯ್ಲೆಂ ಅಚರ್ಯೆಂ
ಬಕ್ರ್ಯಾಂಚ್ಯಾ ದಾರವಟ್ಯಾಲಾಂಗಿ ತಳೆಂ ಆಸ್ಲೆಂ ಏಕ್
ಹೆಬ್ರೆವ್ ಭಾಷೆಂತ್ ನಾಂವ್ ತಾಚೆಂ ಬೆಥ್ಸದಾ.
ತಳ್ಯಾ ತಡಿರ್ ಪರಬ್ ಜುದೆವಾಂಚಿ ಜಾತಾಲಿ ವರ್ಸವಾರ್.
ಜೆಜು ಗೆಲೊ ಯ್ಯಾ ಪರ್ಬೆಕ್ ಸಾಂಗಾತಾ ಆಪ್ಲ್ಯಾ ಶಿಸಾಂ.
ಯ್ಯಾ ತಳ್ಯಾಕ್ ಆಸ್ಲೆಲೆ ಪಾಂಚ್ ಮಾಟೊವ್.
ಯ್ಯಾ ಮಾಟ್ವಾ ಪಂದಾ ನಿದ್ತಾಲೆ ಸಬಾರ್,
ವಿವಿಧ ಥರಾಚಾ ಪಿಡಾನಿ ವೊಳ್ವೊಳ್ಚೆ.
ಆರಿಗಾರ್, ಕುರ್ಡೆ, ಥೊಂಟೆ, ಜಾಯ್ತೆ.
ಆಸ್ಲೊಲೊ ಎಕ್ಲೊ ಆರಿಗಾರ್,
ಆಟ್ತೀಸ್ ವರ್ಸಾಂ ವೊಳ್ವೋಳ್ಳೊ
ಆರಿ ಪಿಡೆನ್, ರಾವ್ಲೊ ರಾಕೊನ್ ಕೋಣ್
ಏತ್ ಆನಿ ಆಪ್ಣಾಕ್ ತ್ಯಾ ತಳ್ಯಾಂತ್ ಉಕೊಲ್ನ್ ಘಾಲಿತ್.
ಜಾತೊಲೊಂ ಗೂಣ್ ತ್ಯಾ ತಳ್ಯಾಚಾ
ಗುಣಕಾರಿ ಉತ್ಕಾ ಗುಣಾನ್,
ಪೂಣ್ ಕೊಂಣಂಚ್ ನಾಂ ಎವ್ನಾ
ತಾಕಾ ಉಕೊಲ್ನ್ ಘಾಲುಂಕ್ ತಳ್ಯಾಚಾ ಉದ್ಕಾಂತ್.
ಆಯ್ಲೊ ಸೊಮಿಂ,
ಆರಿಗಾರಾ ಲಾಗಿಂ
ಕಿತೆಂ ತುಂ ಚಿಂತುನ್ ಆಸಾಯ್ ಆಜ್,
ಮಾಕಾಂ ತುಜಿಂ ಚಿಂತ್ನಾ ದಿಸ್ತಾತ್ ಜಾಂವ್ಕ್ ಬೊರೊ ಖುಶಿ ತುಕಾ ಆಸಾ ಖಂಡಿತ್.
ಸಾಯ್ಬಾ ಉದೊಕ್ ತಳ್ಯಾಚೆಂ ಹಾಲಯ್ತಾನಾ,
ತಳ್ಯಾಂತ್ ಉಕೊಲ್ನ್ ಘಾಲುಂಕ್ ಮುನಿಸ್ ನಾಂತ್.
ಮುಜೊ ಮುಳೊ ಕೊಣೀಂ ನಾಂತ್ ಮಾಕಾಂ
ಹಾಂವ್ ಲಕೊನ್ ಲಕೊನ್ ಉದ್ಕಾಂತ್ ದೆಂವ್ಚಾ ಪೊಯ್ಲೆಂ ದೆಂವ್ತಾ ಮುಜಾನೀಂ ಪೊಯ್ಲೆಂ.
ಜೆಜು ಮುಣಾಲೊ,
ಊಠ್ ಮಾಂದ್ರಿ ಘೆ ತುಜಾ ಹಾತಾಂತ್,
ಚಲ್ ತುಜಾ ಘರಾ ಗುಣೆಸ್ತ್,
ಜಾತೊಲೊಯ್ ತುಂ ಪೊರ್ತ್ಯಾನ್ ಗೂಣ್.
ಆಸ್ಲೊ ತೊ ದೀಸ್ ಸಾಬ್ಬಾತಾಚೊ,
ಕಾಮಾಕ್ ಆಡ್ವಾರ್ಲೊಲೊ,
ಪೊಳೊನ್ ಆರಿಗಾರಾಕ್ ಗೂಣ್ ಜಾವ್ನ್ ಮಾಂದ್ರಿ ಉಕೊಲ್ಚೊ,
ಜಾಲೆ ರಾಗಾರ್ ಜುದೆವ್, ಆಜ್ ತುಕಾ ಮಾಂದ್ರೆ ಉಕೊಲ್ಚಿ ಕೊಣೆ ದಿಲಿ ತಾಕಿದ್?
ಮಾಕಾ ಗೂಣ್ ಕೆಲ್ಲ್ಯಾನ್ ಮಾಕಾಂ ಮಾಂದ್ರಿ ಉಕ್ಲುಂಕ್ ಸಾಂಗ್ಲೆ.
ಕೋಣ್ ತೊ ತುಕಾ ಸಾಬ್ಬಾತ್ ಮೊಡುಂಕ್ ಸಾಂಗ್ಚೊ?
ಹಾಂವ್ ನೆಣಾಂ ಕೋಣ್ ತೊ,
ನಾಂ ಹಾಂಗಾ ತೊ ಆತಾಂ.
ಥೊಡ್ಯಾ ವೆಳಾನ್ ಜೆಜು ಮೆಳ್ಳೋ ಆರಿಗಾರಾಕ್,
ತುಂ ಆತಾಂ ಗೂಣ್ ಜಾಲಾಯ್ ಕರಿನಾಕಾಂ
ಪಾತಕ್ ತೂಂ ಆತಾಂ,
ಪೊಯ್ಲೆಂಚಾ ಪ್ರಾಸ್ ಚಡ್ ವಾಯ್ಟ್ ತುಕಾ ಘಡಾತ್.
ಜುದೆಂವಾ ಸರ್ಸಿಂ ವೊಸೊನ್ ಆರಿಗಾರ್ ಮ್ಹುಣಾಂ
ತೊ ಜೆಜು ಮಾಕಾಂ ಗೂಣ್ ಕೆಲ್ಲೊ.
ಜುದೆವಾನಿ ಜೆಜುಕ್ ಇಜಾ ದೀಂವ್ಕ್ ಸುರು ಕೆಲೆಂ.
ನಾ ತುಕಾ ಮಾನ್ ಸಾಬ್ಬಾತಾಚೊ?
ಜೆಜು ಜಾಪ್ ದೀವ್ನ್ ಮ್ಹುಣಾಲೊ,
ಮುಜೊ ಬಾಪ್ ಸದಾಂನೀತ್ ವಾವುರ್ತಾ,
ಹಾಂವ್ ತಶೆಂಚ್ ವಾವುರ್ತಾಂ
ಆನಿ ಬಾಪಾಚೆಂ ರಾಜ್ ಪಾಚಾರ್ತಾಂ.
ಹೆಂ ಪೊಳೊನ್ ಜುದೆವ್, ಉಪ್ರಾಟೊನ್ ಜೆಜುಕ್ ಜಿವೆಶಿಂ ಮಾರುಂಕ್
ಕಾರಣ್ ಸೊದುಂಕ್ ವೇಳ್ ಜಾಂವ್ಚೊ ನಾಂ ಮ್ಹುಣ್
ಚಿಂತುನ್ ಜರ್ ಹೊ ದೆವಾಕ್ ಆಪ್ಲೊ ಬಾಪ್ ಮ್ಹುಣ್ತಾ ತರ್ ತೊ ದೆವಾ ಸಮಾಸಮ್.
ತಾಣೆಂ ಜಿವೆತ್ ರಾಂವೊಕ್ ನಜೊ ನಿರ್ದಾರ್ ತಾಂಚೊ.
ಬಾಪ್ ಜುಜೆ ವಾಸ್ ಎಸ್.ವಿ.ಡಿ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ