27 ಆಯ್ತಾರ್ ಸಾಧಾರಣ್ ಕಾಳ್ ವೊರ್ಸ್ B 07-10-12
ಆಯ್ಚೊ ವಿಷಯ್:ದೇವ್ ಸಂಸಾರಾಂತ್ಲಿ ಹರ್ ಎಕ್ ವೊಸ್ತ್ ಆಮ್ಚಾ ಬೊರ್ಯಾಕ್ ರಚ್ತಾ.
ಉತ್ಪತ್ತಿ ಗ್ರಂಥಾಂತ್ಲೆಂ ಪೊಯ್ಲೆಂ ವಾಚಾಪ್ 2:18-24 ದೇವ್ ಮ್ಹುನ್ಶಾಕ್ ಏಕ್ ಸಾಂಗಾತಿಣ್ ರಚ್ತಾ.
ಹೆಬ್ರೆವಾಂಚಾ ಪತ್ರಾಂತ್ಲೆ ದುಸ್ರೆಂ ವಾಚಾಅಪ್ 2:9-11 ಜೆಜು ಮುನ್ಶಾಕುಳಾ ಸಾಂಗಾತಾ ತಾಚಾ ಮಹಿಮೆಂ ಚೊ ಮುಕುಟ್ ವಾಂಟುನ್ ಘೆತಾ.
ಮಾರ್ಕುಚಾ ವಾಂಜೆಲಾಂತ್ಲೊ 10:2-16 ಲಗ್ನಾ ಬಾಂದಾಚಾ ಥಿರ್ ಶೆವೊಟಾ ವಿಶಾಂತ್ ಜೆಜು ಶಿಕೊಣ್ ದಿತಾ.
ಹೆಂ ವೊರ್ಸ್ ಸಮೆಸ್ತ್ ಭಾವಾಡ್ತ್ಯಾಂಕ್ ಎಕ್ ವಿಶೆಷ್ ವೊರ್ಸ್ ಜಾವ್ನಾಸಾ ಆಮ್ಚೊ ಭಾವಾಡ್ತ್ ಥಿರ್ ಕರುಂಕ್.
ಭಾವಾಡ್ತ್ ಥಿರ್ ಕರುಂಕ್ ಆಮ್ಕಾಂ ವಿಶೆಸ್ ಥರಾನ್ ಕುಮೊಕ್ ಜಾಯ್ಶೆಂ ಸಬಾರ್ ಕಾರ್ಯಕ್ರಮಾಂ ಆಮ್ಚಾ ಸೊಮೊಡ್ತಿಂತ್ ಆಸ್ತೆಲಿಂ ಮೊಸ್ತ್ ಕಾಡ್ದಿನಲ್ ಆನಿ ಭಿಸ್ಪ್ ರೊಮಾಂತ್ ಸಾಂಗಾತಾ ಮೆಳೊನ್ ಆಮ್ಚಾ ಭಾವಾಡ್ತಾ ವಿಶೆಂತ್ ವಿಚಾರ್ ವಿಮರ್ಸೊ ಚಲಯ್ತಾತ್.
ಆಜ್ ಪಾಪ್ ಸಾಯ್ಬ್ ಸಗ್ಳ್ಯಾ ಸಂಸಾರಾರ್ ಹೆಂ ವೊರ್ಸ್,"ಭಾವಾಡ್ತಾಚೆಂ ವೊರ್ಸ್" ಮೊಣ್ ಘೊಶಿತ್ ಕರ್ತೊಲೊ.
ಆಮ್ಕಾಂ ದೆವಾನ್ ವಿಂಚುನ್ ಭಾವಾಡ್ತಾಚೆಂ ದಾನ್ ದಿಲಾಂ.
ಹೆಂ ದೆಣೆಂ ಆಮ್ಕಾಂ ಆಮ್ಚಾ ಬೊರೆಪೊಣಾನ್ ನಂಯ್ ಬಗಾರ್ ದೆವಾಚಾ ಅಗಣಿತ್ ಕಾಕುಳ್ತಿನ್ ಮೆಳ್ಳಾಂ.
ಹಾಕಾ ಆಮಿಂ ಆಮ್ಚಾ ಕಾಳ್ಜಾಂತ್ ಥಾಂವ್ನ್ ದೆವಾಕ್ ಆರ್ಗಾಂ ದೀಜಯ್.
ಹರೆಕಾ ಕ್ರಿಸ್ತಾಂವಾಕ್ ಮಿಸಾಂವಾಚೆಂ ದೆಣೆ ಮೆಳ್ಳಾಂ ಆನಿಂ ಹರೆಕ್ಲ್ಯಾನ್ ಆಪ್ಲ್ಯಾ ತಾಂಕಿ ಪರ್ಮಾಣೆಂ ಮಿಸಾಂವಾಚೊ ಪಾಚಾರ್ ಕರಿಜಯ್.
ಜೆಜುಚಾ ಲ್ಹಾನ್ ಫುಲಾ ಸಾಂ ತೆರೆಜಾಚಿ ಜಿಣಿ ಎಕ್ ದೆಕಿವೊಂತ್ ಜಿಣಿ ಜಾವ್ನಾಸ್ಲೆಲಿ.
ತಿಚಾ ಲ್ಹಾನ್ಶಾ ಜಿವಿತಾಂತ್ ತಿಣೆ ತಿಚೆಂ ಸರ್ವಸ್ವ ದೆವಾಚೆಂ ರಾಜ್ ಆಪ್ಲಿ ಕೊಂವೆತಾಚಾ ವೊಣ್ತಿ ಭಿತರ್ ರಾವೊನ್ ಖರ್ಚುನ್ ದೆವಾಚೆಂ ರಾಜ್ ಪರ್ಘಟ್ಲೆಂ.
ತಿಕಾ ಮಿಸಾಂವಾಚಿ ಶಾರೊತಿಣ್ ಮೊಣ್ ಇಗರ್ಜಮಾತಾ ಮಾನ್ ದಿತಾ.
ಆಮಿಂ ಪೊಳೆತಾಂವ್ ಆಯ್ಚೊ ಆಯ್ತಾರ್ ಆಮ್ಕಾಂ ವಿಶೇಸ್ ಥರಾನ್ ಆಮ್ಚೆಂ ಜಿವಿತ್ ಜಿಯೆಂವ್ಕ್ ಸಾಂಗ್ತಾ.
ಆಯ್ಚಿಂ ತಿನೀಂ ವಾಚ್ಪಾ ಆಮ್ಕಾಂ ಕಳಯ್ತಾತ್ ಕಶೆಂ ಎಕ್ ಕುಟಾಮ್ ಉಪ್ಜಾತಾ.
ಕಶೆಂ ತೆಂ ಎಕಾ ದಾದ್ಲ್ಯಾ ಆನಿ ಬಾಯ್ಲೆ ಥಾವ್ನ್ ತಾಚೆಂ ಸದಾಂಚೆಂ ಜಿವಿತ್ ಘೆತಾ ತೆಂ ಆಮ್ಕಾಂ ಸಾಂಗ್ತಾ.
ಉತ್ಪತ್ತಿಚಾ ಗ್ರಂಥಾಂತ್ ದೇವ್ ಎಕ್ ರಚ್ನಾರ್ ಜಾವ್ನ್ ಆಮ್ಚೆ ಮುಕಾರ್ ಎತಾ.
ತೊ ಸಮೆಸ್ತ್ ರಚ್ಣೆಂಕ್ ಜೀವ್ ದಿತಾ, ಪೂಣ್ ಮುನಿಸ್ ಹರಾಕಾ ಜಿವಿಕ್ ತಾಚಿ ವೊಳೊಕ್ ದಿತಾ ಆನಿಂ ನಾಂವ್ ದಿತಾ.
ತಾಚಾ ಸಾಂಗಾತಿಣಿಕ್ ಸಮೆತ್ ಮುನಿಸ್ ಏವ್ ಮ್ಹುಣ್ ನಾಂವ್ ದೀವ್ನ್ ಕುಟ್ಮಾಚಿ ಶ್ರಿಶ್ಠಿ ಜಾಂವ್ಚೆ ಖ್ಹುಣ್ ದಿತಾ.
ಜಶೆಂ ದೊನ್ ಕುಶಿ ಜೊಡ್ನ್ ಎಕ್ ಜಾತಾ ಗೀ ತಶೆಂಚ್ ದೋನ್ ಪ್ರಕಾರಾಚೊ ವೊಸ್ತ್ ಜೊಡ್ನ್ ಎಕ್ ಜಾತಾತ್.
ಜಶೆಂ ಸಂಸಾರಾಂತ್ ಪೂರ್ವ್ ಆನಿಂ ಪಶ್ಚಿಮ್, ಉತ್ತರ್ ಆನಿಂ ದಕ್ಷಿಣ್ ದಿಶಾಂಯೆ ಆಸ್ತಾತ್, ತಶೆಂಚ್ ದೊನ್ ಪ್ರಕಾರಾಚಿ ವಿವಿಧ್ ಜಾತಿ ಆಸ್ತಾತ್.
ಹಾಕಾ ಮುನ್ಶಾನ್ ವಿಪರೀತ್ ದಿಶಾ ಮ್ಹುಣ್ ನಾಂವ್ ದಿಲಾಂ.
ಚಾಯ್ನಾ ಚಾ ಲೊಕಾನ್ ಹಾಕಾ ಈನ್ ಯಾನ್ ಮುಣ್ ಆಪಯ್ಲಾಂ.
ದೆವಾಚಾ ಉತ್ರಾಂನ್ ತಾಕಾ ದಾದ್ಲೊ ಆನಿಂ ಬಾಯ್ಲ್ ಮ್ಹುಣ್ ನಾಂವ್ ದಿಲಾಂ.
ಹೊ ಮಿಸ್ತೆರ್ ಜಿವಿತಾಕ್ ಆಧಾರ್ ದಿತಾ ಆನಿಂ ಬುದ್ವೊಂತಾನಿ ಹೊ ಮಿಸ್ತೆರ್ ಸೊಡೊಂಕ್ ಭರ್ಪೂರ್ ಪ್ರಯತನ್ ಕೆಲಾಂ.
ಹ್ಯಾ ಸಂಸಾರಾಚೆಂ ರಚನ್ ಜಾತಾನಾ ದೊನೀಂ ಪ್ರಕಾರಾಚಿಂ ರಚ್ಣಾ ಆಮ್ಕಾಂ ಪೊಳೊಂಕ್ ದಿಸ್ತಾತ್.
ಅಸ್ಥಿತ್ವ ಆಸ್ಲೆಲಿಂ ಆನಿ ಸ್ಥೂಲ್ ವೊಸ್ತುಂಚಿ.
ಹೆಂ ಶ್ರಶ್ಠಿಚೆಂ ರೂಪ್ ಆಮಿಂ ಸದಾಂ ಪೊಳೆತಾಂವ್ ಆನಿಂ ಅನ್ಭವ್ಶಿತಾಂವ್.
ದೆವಾನ್ ಅಸಲಿಂ ಮಿಸ್ತೆರಾಭರಿತ್ ಕಾರ್ಯಿಂ ಆಮ್ಚೆ ಮುಕಾರ್ ದೊವ್ರುನ್ ಆಮ್ಕಾಂ ತಾಚಾ ಅಗಣಿತ್ ಶಾತೆಚಿ ವೊಳೊಕ್ ದಿಲ್ಯಾ.
ಆಮಿಂ ಜಾಣಾಂವ್ ದೆವಾನ್ ಕಾಂಯ್ಚ್ ನಾತ್ಲೆಲ್ಯಾ ಗಡೆಂ ಥಾಂವ್ನ್ ಸಕ್ಕಡ್ ಜಾತಿಂಚಿ ಶ್ರಶ್ಠಿ ಕೆಲಿ.
ಅಶೆಂ ಆಮಿಂ ಆಮ್ಚಾ ಸುತ್ತುರಾಂತ್ ಪೊಳೆತಾನಾ ಆಮ್ಕಾ ದೆವಾಚಾ ಗುಪಿತ್ ಮೊಗಾಚೊ ಉಡಾಸ್ ಎಂವ್ಚೆ ಸ್ವಾಭಾವಿಕ್.
ದಾದ್ಲ್ಯಾ ಆನಿಂ ಸ್ಥಿಯೆಚಾ ಎಕ್ವೊಟಾನ್ ದೇವ್ ಆಪ್ಲೆಂ ಕಾರ್ಯೆಂ ಮುಂದರ್ಸಿತಾ.
ಅಗಣಿತ್ ಮೊಗಾನ್ ದೇವ್ ಹರೆಕಾ ಮುನ್ಶಾಕ್ ಜೀವ್ ದೀವ್ನ್ ತಾಚೆಂ ರೂಪ್ ರುಪಿತ್ ಕರ್ಚಿ ಪಾವ್ಟ್ ದಿತಾ.
ದೆಕುನ್ ಕ್ರಿಸ್ತಾಂವ್ ಸಮೊಡ್ತಿಂತ್ ಕುಟ್ಮಾಂಚೊ ಬಾಂದ್ ಎಕ್ ಸಾಕ್ರಾಮೆಂತ್.
ಕಾಜಾರಾಚಾ ಸಾಕ್ರಾಮೆಂತಾನ್ ದಾದ್ಲೊ ಆನಿ ಸ್ತ್ರೀ ಎಕ್ವೊಟಾಚಾ ಮೊಗಾಚಾ ಬಾಂದಾತ್ ಎಕ್ವೊಟ್ತಾತ್.
ಜಶೆಂ ಜೆಜು ಆಪ್ಲ್ಯಾ ಇಗರ್ಜಮಾತೆ ಸಾಂಗಾತಾ ಮೊಗಾಚಾ ಎಕ್ವೊಟಾಂತ್ ಸ್ಥಿರ್ ಜಾತಾಗೀ ತಶೆಂಚ್ ದಾದ್ಲೊ ಬಾಯ್ಲೆ ಸಾಂಗಾತಾ ಕಾಜಾರಾಚಾ ಸಾಕ್ರಾಮೆಂತಾತ್ ಎಕ್ವೊಟ್ತಾ.
ಕಾಜಾರಾಚ್ಯೊ ಆಂಗೊಣ್ಯೊ ಘೊವ್ ಆನಿಂ ಬಾಯ್ಲ್ ಉಚಾರ್ತಾನಾ ತಾಂಚಾ ಮೊಗಾಚೊ ಬಾಂದ್ ಥಿರ್ ಜಾತಾ.
ಹೊಬಾಂದ್ ಶಾಸ್ವಿತ್ ಆನಿ ತುಟ್ಚಾ ತಸಲೊ ನಂಯ್.
ಕಸಲಿಂಯ್ ವಿಘ್ನಾ ಕುಟ್ಮಾಚೆರ್ ಎತಿತ್ ತರ್ ತಿಂ ದೊಗಾಂಯ್ ತ್ಯಾ ವಿಘ್ಹ್ನಾಂಚೆ, ಸಾಂಗಾತಾ ಝುಜೊಂಕ್ ಭಾಸ್ ದಿತಾತ್.
ಆಧುನಿಕ್ ಕಾಲಾರ್ ಕುಟ್ಮಾ ಮೊಸ್ತ್ ಥರಾನ್ ಬದ್ಲಾಲ್ಯಾಂತ್.
ಆಮಿಂ ಶಿಕ್ಲೆಲಿಂ ಲಿಸಾಂವಾ ಮುನಿಸ್ ಸಮ್ಜೊಂಕ್ ಸಕಾನಾಂ
ಅಸಲ್ಯಾ ಕಾಲಾರ್ ಆಮ್ಕಾ ದೇವ್ ತಾಚಿ ಸಸಾಯ್ ದೀಂವ್ಕ್ ಆಶೆತಾ.
ಆಧುನಿಕ್ ಕಾಲಾಚಿಂ ಮಾದ್ಯಮಾಂ ಆಮ್ಕಾಂ ದಿಸಾಂದೀಸ್ ಮೊಸ್ತ್ ಥರಾಚಿ ಬದ್ಲಾವಣೆಂಚಿ ಖಬೊರ್ ದಿತಾತ್.
ಅಸಲ್ಯೊ ಖಬ್ರೊ ಆಮ್ಕಾಂ ಕಸಲ್ಯಾ ವಾಟೆರ್ ವೊಸೊಂಕ್ ಫೊರ್ಮಾಯ್ತಾತ್ ಹೆಂ ಆಮಿಂ ಸಮ್ಜೊನ್ ಘೆಜಯ್.
ತಾಳ್ನ್ಯೊ ಆಮ್ಕಾಂ ವಿವಿಧ್ ದಿಶಾಂನಿ ವೊಡ್ತಾನಾ ಆಮಿಂ ತಾಂಚೆರ್ ಜಯ್ತ್ ಕಶೆಂ ಹೊರ್ತಾಂವ್ ಹೆಂ ಆಮ್ಚೆರ್ ಹೊಂದೊನ್ ಆಸ್ತಾ.
ಕಿತ್ಲಿಂ ನಿಯಮಾಂ ಬದ್ಲಾಲ್ಯಾಂತ್.
ಲೊಕ್ ಚಿಂತಾ ತೊ ಸ್ವತಂತ್ರ ಜಾಲಾ.
ತೊ ಕಿತೆಂ ಸಕ್ಕಡ್ ತಾಚಾ ಜಿವಿತಾಕ್ ಜಾಯ್ ಮ್ಹುಣ್ ಚಿಂತುನ್ ಕರ್ತಾ ತೆಂ ಸಗ್ಳೆಂ ಬೊರೆಂ ಮುಣ್ ತೊ ಚಿಂತುನ್ ಆಸ್ತಾ.
ಪೂಣ್ ತಾಚೆಂ ಕೊಶೆಡ್ದ್ ತಾಕಾ ಕೆದಾಳಾರ್ಯೀ ಜಾಗ್ವೊಣ್ ದಿತಾ.
ಕಿತೆಂ ಬೊರೆಂ ಕಿತೆಂ ಬೊರೆಂ ನಂಯ್ ಮ್ಹುಣ್ ತಾಚಾ ಅಂತಸ್ಕರ್ನಾಂತ್ ತಾಕಾ ಏಕ್ ತಾಳೊ ಆಯ್ಕಾತಾ.
ತಾಚೆರ್ ಜರ್ ಮ್ಹುನಿಸ್ ಚೀತ್ ದೀತ್ ತೊ ಕೆದಿಂಚ್ ಸತಾ ಥಾಂವ್ನ್ ಧಂದಳ್ಚೊ ನಾಂ.
ಹೆಂ ಕರುಂಕ್ ಮುನ್ಶಾಂನ್ ಕೆದಾಳಾರ್ ಯೀ ದೆವಾಚಾ ಅತ್ಮ್ಯಾಕ್ ತಾಚೆ ಸಾಂಗಾತಾ ರಾಂವೊಕ್ ಉಲೊ ದಿಜಯ್.
ಆಯ್ಚೀ ತಿನೀಂ ವಾಚ್ಪಾಂ ಆಮ್ಕಾಂ ಹೆಂ ಕರುಂಕ್ ಪ್ರೆರಣ್ ದಿತಾತ್ ಆಮಿಂ ತೀಂ ಚೀತ್ ದೀವ್ನ್ ಆಯ್ಕೊಂವ್ಯಾ.
ತುಮ್ಚಾ ಮೊಗಾಚೊ
ಬಾಪ್ ಜುಜೆ ವಾಸ್ ಎಸ್.ವಿ.ಡಿ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ