28ವಿಸಾಂವೊ ಆಯ್ತಾರ್ ಸಾಧಾರಣ್ ಕಾಳ್ ವೊರ್ಸ್ B 14-10-12
ವಿಷಯ್: ದೆವಾಚೆಂ ಉತಾರ್
ಪೊಯ್ಲೆಂ ವಾಚಾಪ್ ಜಾಣ್ವಾಯೆಚಾ ಗ್ರಂಥಾಂತ್ಲೆಂ 7:7-11 ಸೊಲೊಮೊನ್ ರಾಯಾಕ್ ಸಮ್ಜೊಣೆಂಚೆಂ ದಾನ್ ಮೆಳ್ತಾ.
ಹೆಬ್ರೆವಾಂಚಾ ಪತ್ರಾಂತ್ಲೆಂ ದುಸ್ರೆಂ ವಾಚಾಪ್ 4: 12-13 ದೆವಾಚೆಂ ಉತಾರ್ ದೊನ್ ಧಾರಿಚಾ ತಾಲ್ವಾರಿ ಪರಾಸ್ ಚಡ್ ಧಾರ್.
ಸಾಂ ಮಾರ್ಕುಚಾ ವಾಂಜೆಲಾಂತ್ಲೊ 10:17-30 ಗ್ರೆಸ್ತಕಾಯ್ ದುಬ್ಳ್ಯಾಂಕ್ ವಾಂಟುನ್ ಜೆಜುಚೊ ಪಾಟ್ಲಾವ್ ಕರಾ.
ಆಮ್ಕಾಂ ಆಜ್ ಹ್ಯಾ ಪವಿತ್ರ್ ಮಿಸಾಂತ್ ವಾಂಟೊ ಘೆಂವ್ಚಿ ಪಾವ್ಟ್ ಮೆಳ್ಳ್ಯಾ.
ಆಯ್ಚಿಂ ತಿನೀಂ ವಾಚ್ಪಾಂ ಆಮ್ಕಾಂ ದೆವಾಚಾ ಉತ್ರಾಂನಿ ಆಸ್ಚೆಂ ಮೂಳ್ ತತ್ವ್ ಶಿಕೊಂಕ್ ಪೆಚಾಡ್ತಾತ್.
ಜಾಣ್ವಾಯೆಚಾ ಗ್ರಂಥಾಂತ್ಲೆಂ ಪೊಯ್ಲೆಂ ವಾಚಾಪ್ ಸೊಲೊಮೊನ್ ರಾಯಾಚಿ ಜಾಣ್ವಾಯೆ ವಿಶೆಂತ್ ಆಮ್ಕಾಂ ಶಿಕಯ್ತಾ.
ರಾಯ್ ಜಾಣಾ, ಜಾಣ್ವಾಯ್ ಹರೆಕಾ ದಿರ್ವಾ ಪ್ರಾಸ್ ಅತೀ ಉನ್ನತ್ ದಿರ್ವೆಂ.
ಜಾಣ್ವಾಯ್ ಜೊಡುಂಕ್ ತೊ ಕಿತೆಂಯ್ ಸೊಡುಂಕ್ ತಯಾರ್ ಜಾಲೊ.
ದೆಕುನ್ ತಾಕಾ ಜಾಣ್ವಾಯೆಚೆಂ ದಾನ್ ದೆವಾನ್, ಭರ್ಪೂರ್ ಥರಾನ್ ದಿಲೆಂ.
ಕಿತೆಂ ಆಮಿಂ ಆಮ್ಚಾ ಕ್ರಿಸಾಂವ ಜಿವಿತಾಂತ್ ಸೊಲೊಮೊನ್ ರಾಯಾಚೆಂ ಚಲನ್ ಆಪ್ಣಾಂವ್ಕ್ ಜಾತಾ?
ಆಧುನಿಕ್ ಯುಗಾಂತ್ ಹರೆಕಾ ಕ್ರಿಸ್ತಾಂವಾಂಕ್ ಸಮಾಜೆಂತ್ ಜಿಂಯೆಂವ್ಕ್ ದೆವಾಚಾ ಜಾಣ್ವಾಯೆಚಿ ಅತೀ ಗರ್ಜ್.
ಆಮ್ಚಾ ಜಿವಿತಾಂತ್ ಘಡ್ತಾತ್ ತಿಂ ಘಡಿತಾಂ ದೆವಾಚಾ ಖುಶೆ ಪರ್ಮಾಣೆ ಜಿಯೆಂವ್ಕ್ ಆಮ್ಕಾಂ ಜಾಣ್ವಾಯೆಚಿ ಅತ್ಯಂತ್ ಗರ್ಜ್ ಆಸ್ತಾ.
ಮುನ್ಶಾಕ್ ದೆವಾನ್ ಥರಾ ಥರಾಂಚಿ ಜಾಣ್ವಾಯ್ ದಿಲ್ಯಾ.
ಜರ್ ಆಮಿಂ ಎಕಾ ಮೆಕಾಚೆರ್ ಹೊಂದೊನ್ ಚಲಾನ್ ಜಾಲ್ಯಾರ್ ಹೆಬ್ರೆವಾಂಕ್ ಪಾವ್ಲುನ್ ಬೊರಯ್ಲ್ಯಾ ಪತ್ರಾಂತ್ ಸಾಂಗ್ಲೆಲೆ ದೆವಾಚೆಂ ಉತಾರ್ ಆಮ್ಚಾ ಜಿವಿತಾಂತ್ ಸತ್ ಜಾತಾ.
ಆತಾಂಚೆ ಆಧುನಿಕ್ ಜಿವನ್ ಕಿತ್ಲೆಂ ಘೊಟ್ಮೊಳಿಚೆಂ.
ದಿಸಾಂದೀಸ್ ಲೊಕ್ ಎಕಾ ಮೆಕಾ ಸೊವೆಂ ಜಿಯೆತಾ ಜಾಲ್ಯಾರೀ ಎಕಾ ಮೆಕಾಚೆಂ ಬೊರೆಂಪೊಣ್ ಆಶೆನಾ.
ಕಶೆಂ ಸ್ವಯಂ ವೊಡ್ ಜಾವ್ನ್ ಹ್ಯಾ ಸಂಸಾರಾಂತ್ ನಾಂವ್ ಆನಿ ಕೀರ್ತ್ ಆಪ್ಣಾಯ್ತ್ ಮ್ಹುಳಿ ಆಲೊಚನ್ ಘೆವ್ನ್ ಚಲ್ತಾ.
ಅಸಲೆಂ ಗೂಢ್ ಸವಾಲ್ ಆಮ್ಚಾ ಜಿವಿತಾಂತ್ಲೆ ಖಾಲಿ ದೆವಾನ್ ದಿಲ್ಲಿ ಜಾಣ್ವಾಯ್ ಮಾತ್ರ್ ಸೊಡೊಂಕ್ ಸಕ್ತಾ ಮ್ಹುಳೆಂ ಸತ್ ಆಮಿಂ ಜಾಣಾಂ ಜಾಂಯಾ.
ಹೆಬ್ರೆವಾಂಚೆ ಪತ್ರ ಆಮ್ಕಾಂ ಹ್ಯಾ ಸಂಸಾರಾಂತ್ ಜಿಂಯೆಂವ್ಕ್ ಎಕ್ ವಾಟ್ ದಾಕಯ್ತಾ.
ದೆವಾಚಾ ಉತ್ರಾ ಚೆರ್ ಜರ್ ಆಮಿಂ ಚಲಾನ್ ಜಾಲ್ಯಾರ್ ಆಮ್ಚೆಂ ಜಿವನ್ ತೊ ಸೂಕ್ಷ್ಮ್ ಥರಾನ್ ಸಮ್ಜೊಂಕ್ ಶಿಕಯ್ತಾ.
ಕಿತ್ಯಾಕ್ ಗೀ ಮ್ಹುಳ್ಯಾರ್ ದೆವಾಚಾ ಉತ್ರಾಕ್ ಆಮ್ಚಾ ಹರೆಕಾ ಘಡಿತಾಂತ್ ರಿಗೊನ್ ತಿಚೊ ಮೂಳ್ ಅರ್ಥ್ ಸಮ್ಜೊನ್ ಕಶೆಂ ಆಮಿಂ ಹ್ಯಾ ಸಂಸಾರಾಂತ್ ಜಿಯೆಜಯ್ಗೀ ಮುಳೆಂ ಸತ್ ಶಿಕಯ್ತಾ.
ಆಮ್ಚೊ ಚುಕಿ ಆಮ್ಚೆ ಥಾವ್ನ್ ಪೊಯ್ಸ್ ಕರುಂಕ್ ಕೋಣ್ ತಯಾರ್.
ಚಿಕಿ ದಾಕಯ್ಲ್ಲ್ಯರ್ ಲೊಕಾಕ್ ತ್ಯೊ ತಾಂಚಾ ಜಿವನಾ ಥಾಂವ್ನ್ ಪೊಯ್ಸ್ ಕರುಂಕ್ ಜಾಯ್ನಾ.
ಪೊಯ್ಲ್ಯಾ ಸುವಾತೆರ್ ಚುಕಿ ದಾಕಯ್ತೆಲ್ಯಾಕ್ ಆಮ್ಕಿಂ ಪಸಂದ್ ಕರಿನಾಂವ್.
ತಾಚೊ ಖೊಡಿ ಕಾಡುಂಕ್ ಸುರು ಕರ್ನ್ ಆಮ್ಚೊ ಚುಕಿ ಸುದ್ರಾಂವ್ಚಾಕೀ ಆನಿ ಏಕ್ ವೊಡ್ಲಿ ಚೂಕ್ ಕರ್ತಾಂವ್ ಗರ್ವಾನ್ ತಸ್ಲ್ಯೊ ಚುಕಿ ಸುದ್ರಾಂವ್ಚೊ ಸಂದ್ರಾಪ್..
ಭುರ್ಗ್ಯಾಂಕ್ ಆವೊಯ್ ಬಾಪೊಯ್ ಪೊಯ್ಲೆಂ ಘರಾನಿಂ ವೇಳ್ ಆಸ್ತಾನಾ ತಾಂಚೊ ಚುಕಿ ಧರ್ನ್ ತಾಚೆರ್ ಜಯ್ತ್ ಹೊರೊಂಕ್ ಶಿಕಯ್ತಾಲಿಂ.
ಆತಾಂ ಆವೊಯ್ ಬಾಪಾಯ್ಕ್ ವೇಳ್ ಖಂಯ್ ಆಸಾ?
ಭುರ್ಗಿಂ ಕಿತೆಂ ಕರ್ತಾತ್, ಕಶಿಂ ವೊಡ್ ಜಾತಾತ್ ತಿಂ ನೆಂಣಾಂತ್.
ಭುರ್ಗಿಂ ಜರ್ ಕಸಲಿಂಯ್ ಸವಾಲಾಂ ಆವೊಯ್ ಬಾಪಾಯ್ ಗಡೆಂ ವಿಚಾರ್ತಿತ್ ಜಾಲ್ಯಾರ್ ತಿಂ ಸಮ್ಜೊನ್ ತಾಚೊ ಪರಿಣಾಮ್ ಸೊದ್ಚಾ ಬದ್ಲಾಕ್ ಭುರ್ಗ್ಯಾಕ್ ಗೊವ್ಜಿ ಕರ್ನ್ ಭೆಸ್ಟಾವ್ನ್ ಧಾಂವ್ಡಾಯ್ತಾತ್.
ಕೆದಾಳಾ ಆಮಿಂ ಆಮ್ಚೆಂ ಕಾಮ್ ಸ್ವಯಂ ಕರುಂಕ್ ಶಿಕ್ತೆಲ್ಯಾಂವ್.
ಹ್ಯಾ ಸಂಸಾರಾಂತ್ ಧನ್ ದಿರ್ವೆಂ, ನಾಂವ್ ಆನಿ ಕೀರ್ಥ್ ಮಾತ್ರ್ ಅವಷ್ಯ ನಂಯ್, ಜಾಯ್ ಮ್ಹುಳ್ಯಾರ್ ದೆವಾಚೆಂ ರಾಜ್ ಕಶೆಂ ವಿಸ್ತಾರ್ಚೆಂ ಮುಳಿ ಸಮ್ಜೊಣೀ.
ಹೆ ಜಾಣ್ವಾಯ್ ಫಕ್ತ್ ದೆವಾಚಾ ಪ್ರೆರಣಾಚಾ ಅತ್ಮ್ಯಾ ಮಾರಿಫತ್ ಆಮ್ಕಾಂ ಲಾಬ್ತಾ.
ಆಜ್ ಜೆಜು ಆಮ್ಚೆ ಮುಕಾರ್ ತಾಚೊ ಪಾಟ್ಲಾವ್ ಆಮಿಂ ಕಶೆಂ ಕರಿಜಯ್ಗೀ ಮುಳ್ಯಾ ಸವಾಲಾಕ್ ಜಾಪ್ ದಿತಾ.
ಜೆಜು ಹ್ಯಾ ಸಂಸಾರಾಂತ್ ದೆವಾಚೆಂ ರಾಜ್ ವಿಸ್ತಾರುಂಕ್ ಪಾತ್ಕಾಚೆರ್ ಜಯ್ತ್ ವೊರ್ನ್ ಮುನ್ಶಾಕ್ ಪಾತ್ಕಾಚಾ ಖೊಟೆಪೊಣಾಂತ್ಲೊ ಸೊಡೊಂಕ್ ಆಯ್ಲೊ.
ತಾಣೆಂ ಸದಾಂಚ್ ತಾಚಾ ಶಿಸಾಂಕ್ ಶಿಕೊಣ್ ದೀವ್ನ್ ಸಾಂಗ್ಲೆ.
ತಾಚೊ ಪಾಟ್ಲಾವ್ ಕರುಂಕ್ ತಾಚಾ ಶಿಸಾಂಕ್ ಹ್ಯಾ ಸಂಸಾರಾಂತ್ಲೆ ಸೊಡ್ನ್ ಖಾಲಿ ಹಾತಾನಿ ತಾಚೊ ಪಾಟ್ಲಾವ್ ಕರಿಜಯ್ ಮ್ಹುಣ್.
ಕೊಣಾಂಕ್ ಖಾಲಿ ಹಾತಾಂನಿ ಚಲೊಂಕ್ ಮೊನ್ ಆಸಾ?
ಆಮಿಂ ಸದಾಂ ನೀತ್ ಆಮ್ಚೆಂ ದಿರ್ವೆಂ ಕಶೆಂ ಚಡ್ ಆನಿ ಚಡ್ ಕರ್ಚೆಂ ಮುಣ್ ಚಿಂತುನ್ ಬೊಸ್ತಾಂವ್.
ದೆಕುನ್ ತೊ ತರ್ನಾಟೊ ಬೊರ್ಯಾ ಮೊನಾನ್ ಜೆಜು ಸರ್ಸಿಂ ಆಯ್ಲೊ>
ಧಯ್ರಾನ್ ಮ್ಹುಣಾಲೊ ಜೆಜು ಹಾಂವ್ ತುಜೆ ಸಾಂಗಾತಾ ಎತಾಂ. ಪೂಣ್ ಮುಜೆಂ ಧರ್ನ್ ದಿರ್ವೆಂ ಕಶೆಂ ಸೊಡ್ಚೆಂ ಮುಣ್ ತೊ ಪಾಟಿಂ ಗೆಲೊ.
ತವೊಳ್ ಜೆಜುನ್ ಆಪ್ಲ್ಯಾ ಶಿಸಾಂಕ್ ಉದ್ದೆಸುನ್ ಮ್ಹುಳೆ ಪೊಳಯಾ ಗ್ರೆಸ್ತ್ ಮುನ್ಶಾಂಕ್ ದೆವಾಚಾ ರಾಜಾಂತ್ ರೆಗೊಂಕ್ ಕಿತ್ಲೆ ಕಸ್ಟ್?
ತವೊಳ್ ಪೆದ್ರು ಮ್ಹುಣಾಲೊ ಸೊಮ್ಯಾ ಆಮಿಂ ಸರ್ವ ಸಾಂಡುನ್ ತುಜೊ ಪಾಟ್ಲಾವ್ ಕೆಲಾ.
ಜೆಜುನ್ ತಾಕಾ ಮ್ಹುಳೆಂ ಅಸಲ್ಯಾ ಶಿಸಾಂಕ್ ದೆವ್ ಸಾಸ್ಣಾಚೆಂ ಜಿವಿತ್ ದಿತೊಲೊ.
ಕೊಣಾಕ್ ಮೆಳಾತ್ ತೆಂ ಸಾಸ್ಣಾಂಚೆ ಜಿವಿತ್?
ಆಮ್ಕಾಂ ಆಮಿಂ ದೆವಾಚಾ ರಾಜಾಚೆ ನಾಗರಿಕ್, ಆಮಿಂ ಆವೊಯ್ ಬಾಪಾಯ್ಕ್, ಭಾಂವಾ ಭಯ್ಣಾಂಕ್, ಸಯ್ರ್ಯಾ ಧಾರ್ಯ್ರಾಂಕ್ ಸಾಂಡುನ್ ಜೆಜುಚೊ ಪಾಟ್ಲಾವ್ ಕೆಲಾ.
ಮಾಕಾ ಉಡಾಸ್ ಆಸಾ ಮ್ಹುಜಾ ಬಾಬಾಕ್ 5 ಚೆಡ್ವಾಂ.
ತವೊಳ್ ಆಮಿಂ ಸಿಜ್ಮಾತಿಕ್ ಇಗರ್ಜೆಚೆ ಸಾಂದೆ.
ಜಾಲ್ಯಾರೀ ಮುಜಾ ಬಾಬಾನ್ ಎಕ್ ದೀಸ್ ಖರ್ಯಾ ಸಮೊಡ್ತಿಂತ್ ಎಂವ್ಚೆ ನಿರ್ಣಯ್ ಕೆಲೆಂ>
ತಾಚೆರ್ ಮೊಸ್ತ್ ಥರಾಂಚಿ ವಿಗ್ನಾ ಆಯ್ಲಿಂ ತಾಕಾ ಗಾಂವಾಂತ್ ಲೊಕ್ ತಾಚೆರ್ ಹಾಸೊಂಕ್ ಲಾಗ್ಲೊ, ತಾಚಿಂ ಖೆಳ್ಕುಳಾಂ ಕರುಂಕ್ ಲಾಗ್ಲೊ.
ತಾಚೆ ಸೆಜ್ ನಾಂಬಾರಿ, ಸಯ್ರೆ ಧಾಯ್ರೆ, ದಾಯ್ಜಿ ಭಾವ್ ಭಯ್ಣಿ ಸಮೆಸ್ತ್ ಸಿಜ್ಮಾತಿಕ್ ಜಾವ್ನಾಸ್ತಾನಾಂ ತೊ ಮಾತ್ರ್ ಎಕ್ ಖರೊ ದೆವಾಚೊ ಶಿಸ್ ಜಾವ್ನ್ ಜಿಂಯೆಂವ್ಕ್ ಲಾಗ್ಲೊ.
ಆಜ್ ತೊ ನಾಂ ಪೂಣ್ ತಾಚೆಂ ತೆಂ ಸಮರ್ಪಿತ್ ಜಿವಿತ್ ಆಜ್ ಯೀ ಮಾಕಾಂ ಎಕ್ ಪ್ರೆರಣಾಚಿ ವಾಟ್ ದಾಕಯ್ತಾ.
ಆಮ್ಚಾ ಭುರ್ಗ್ಯಾಂಕ್ ಆಮಿಂಚ್ ಎಕ್ ಪ್ರೆರಣಾಚೆಂ ಸಾಧನ್ ಜಾಂವ್ಕ್ ಆಜ್ ಆಮ್ಕಾಂ ಹಿಂ ವಾಚ್ಪಾಂ ಪ್ರೆರಣ್ ದಿತಾಂನಾ ಆಮಿಂ ಕಿತೆಂ ಕರಿಜಯ್?
ಹ್ಯಾ ಸವಾವಾಕ್ ಆಮಿಂ ಮೊವ್ನಪೊಣೀಂ ಆಮ್ಚಾಂ ಕಾಳ್ಜಾಂತ್ ಜಾಪಿ ಸೊದ್ಯಾಂ
ತುಂಮ್ಚಾ ಮೊಗಾಚೊ
ಬಾಪ್ ಜುಜೆ ವಾಸ್ ಎಸ್.ವಿ.ಡಿ..
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ