ಸತ್ರಾವೊ ಆಯ್ತಾರ್ ಸಾಮಾನ್ಯ ಕಾಳ್ B 29-07-12
ಆಯ್ಚೊ ವಿಷಯ್: ಗರ್ಜೆಕ್ ಪಾಂವ್ಚೊ ದೇವ್
ರಾಯಾಂಚೊ ದುಸ್ರೊ ಬೂಕ್ ಪೊಯ್ಲೆಂ ವಾಚಾಪ್ 4:42-44 ದೇವ್ ಲೊಕಾಕ್ ಪೊಸ್ತಾ
ಎಫೆಜ್ ಗಾರಾಂಚಾ ಪತ್ರಾಂತ್ಲೆಂ ದುಸ್ರೆಂ ವಾಚಾಪ್ 4:1-6 ಎಕ್ವೊಟಾಚಿಂ ಮಹಿಮಾಂ
ಜೊನಾಚಾ ವಾಂಜೆಲಾಂತ್ಲೊ 6:1-15 ಜೆಜು 5 ಹಜಾರಾಂಕ್ ಜೆಂವ್ಕ್ ದಿತಾ.
ಹ್ಯಾ ಸಂಸಾರಾಂತ್ಲೆ ಆಮ್ಚೆಂ ಪಯ್ಣ್ ಕಸ್ಟಾಂಚೆ ಆನಿಂ ಮೊಸ್ತ್ ವಾಂವ್ಟಿಚೆಂ.
ಮುನಿಸ್ ಆಪ್ಲಿಂ ಕಾಮಾಂ ಕರ್ತಾನಾ ಆಪ್ಲ್ಯಾಚ್ ಶಾತಿಯೆಚೆರ್ ಚಡ್ ಹೊಂದೊನ್ ಆಸ್ತಾ.
ತಾಚಿಂ ಸಗ್ಲೀ ಕಾಮಾಂ ಆನಿಂ ಸಮಸ್ಸೆ ನಿವ್ರಾಂವ್ಕ್ ಆಪ್ಲೆಚ್ ಬುದಿಚೆರ್, ಆಪ್ಲೆಚ್ ಆರ್ಥಿಕ್ ಶಾತೆಚೆರ್, ಆಪ್ಲೆಚ್ ಸಾಮಾಜಿಕ್ ಪರಿಸ್ಥಿತೆಚೆರ್, ಆಪ್ಲೆಚ್ ಸಾಂಸ್ಕ್ರಕ್ರತಿಕ್ ಗತಿವಿಧೆಚೆರ್ ಹೊಂದೊನ್ ತಾಚಿಂ ಸಮಸ್ಯಾಂ ನಿವಾರುಂಕ್ ಪ್ರಯತನ್ ಕರ್ತಾ.
ಕಶೆಂ ಸಬಾರ್ ಪಟಿಂ ಆಮಿಂ ದೆವಾಚಿ ಕುಮೊಕ್ ಮಾಗಾನಾಂವ್ ಆನಿಂ ಆಮ್ಚಾಚ್ ಶಾತೆಚೆರ್ ಹೊಂದೊನ್ ಕಶೆಂಯ್ ಹೊ ಸಮಸ್ಸೊ ಪರಿಹಾರ್ ಕರುಂಕ್ ವೊದ್ದಾಡ್ತಾಂವ್.
ಹೊ ಸಂಸಾರ್ ದೆವಾಚೆ ಹೊಂದೊನ್ ಆಸಾ.
ಹರೆಕ್ ರುತು ಪರಿವರ್ತನ್ ದೆವಾಚಾ ನಿಯಮಾಂ ಪ್ರಕಾರ್ ಜಾತಾತ್.
ಆಮಿಂ ಹೆಂ ಸಕ್ಕಡ್ ಜಾಂವ್ಚೆ ಪೊಳೊನ್ ಅದ್ಭುತ್ ಜಾವ್ನ್ ಉಬೆ ರಾವೊನ್ ಮಗ್ನ್ ಜಾವ್ನ್ ಆಸ್ಚರ್ಯ ಚಕಿತ್ ಜಾವ್ನ್ ಪೊಳೆತ್ ರಾವ್ತಾಂವ್.
ಮುನಿಸ್ ತಾಚಾ ಜಿವಿತಾಂತ್ ದೆವಾಕ್ ಫಾವೊತೊ ಜಾಗೊ ದೀತ್ ತರ್ ತಾಚಾ ಜಿವನಾಂತ್ ತೊ ನೀಜ್ ಜಾವ್ನ್ ದೆವಾಚೊ ಮುನಿ ಮ್ಹುಣ್ ವೊಳ್ಕಾತಾ.
ಆಮಿಂ ಆಯ್ತಾಚಾ ಮಿಸಾಂತ್ ವಾಂಟೊ ಘೆತಾನಾ ಆಮ್ಚೆಂ ನೀಜ್ ರೂಪ್ ದೆವಾಚಾ ಭರ್ವಾಶ್ಯಾಚೆರ್ ಹೊಂದೊನ್ ಆಸಾ ಮುಣ್ ದಾಕಯ್ತಾಂವ್..
ಆಮ್ಕಾಂ ಜಾಯ್ ಜಾಲ್ಲಿಂ ಕಾಮಾಂ ಕರೊಂಚಾ ಖಾತಿರ್ ಆಮಿಂ ಆಮ್ಚೆ ಸಮಸ್ಸೆ ದೆವಾ ಮುಕಾರ್ ಹಾಡ್ತಾಂವ್..
ಆಮ್ಚೆ ಸಮಸ್ಸೆ, ಕುಡಿಚೆ, ಅತ್ಮ್ಯಾಚೆ, ಸಾಂಸ್ಕ್ರತಿಕ್, ಕುಟ್ಮಾಚೆ, ಯಾ ಕಸಲೆಯ್ ಜಾತಿತ್.
ಅಶೆಂ ಆಸ್ತಾನಾ ಸಭಾರ್ ಪಟಿಂ ಆಮ್ಚೆಂ ಅದ್ಯಾತ್ಮಿಕ್ ಜಿವಿತ್ ಅವರೊಧಿತ್ ಜಾತಾ ಮ್ಹುಳೆಂ ಆಮಿಂ ವಿಸತಾಂವ್.
ಆಜ್ ಆಮಿಂ ದೇವ್ ಆಮ್ಕಾಂ ಆಮ್ಚಿಂ ಸಮಸ್ಯಾ ನಿವಾರುಂಕ್ ಕಶೆಂ ಕುಮೊಕ್ ಕರ್ತಾಗೀ ಪೊಳಯಾಂ.
ಆಮ್ಚೆಂ ಜಿವಿತ್ ವಿವಿಧ ರಿತಿಚಾ ಅನುಭವಾಚೆರ್ ಹೊಂದೊನ್ ಆಸ್ತಾ.
ಚಡಾವತ್ ಜಣ್ ಜಿವಿತ್ ಜಿಯೆತಾನಾ ತಾಂಚಾ ಜಿವಿತಾಂತ್ ಘಡ್ಚಾ ವಿವಿಧ ವಿಷಯಾಂಚೆರ್ ಸೊಮಾ ನಿಗಾ ದಿನಾಂತ್.
ಆಮಿಂ ಆಮ್ಚಾ ಜಿವಿತಾಚಾ ದ್ಯೆಯಾ ವಿಶೆಂತ್ ಜಾಗ್ರುತ್ ಜಾಯ್ಜಯ್.
ದ್ಯೆಯಾಚಿ ದಿಶಾ ನಿರ್ಧಿಷ್ಟ್ ಜಾಲಿ ಜಾಲ್ಯಾರ್ ಜಿವಿತ್ ಸೊಮಾ ದಿಶೆಂನ್ ಚಲ್ತಾ..
ಮೊಸ್ತ್ ಪಾವ್ಟಿಂ ಮುನಿಸ್ ತಾಣೆ ಬಾಳ್ ಅವಸ್ತಾರ್ ಶಿಕ್ಲೆಲಿಂ ಮಾಗ್ಣಿಂಚ್ ಕರಿತ್ತ್ ರಾವ್ತಾ.
ಆಮಿಂ ಲ್ಹಾನ್ ಆಸ್ತಾನಾ ಆಮ್ಚಾ ಆವೊಯ್ ಬಾಪಾಯ್ನ್ ಆಮ್ಕಾಂ ಹೆಂಚ್ ಮಾಗ್ಣೆಂ ಶಿಕಯ್ಲೆಂ
’ದೆವಾ ಆಮ್ಕಾಂ ಜೆಂವ್ಕ್ ದಿ ಖ್ಹಾಂವ್ಕ್ ದಿ,
ರಾವೊಂಕ್ ಘರ್ ದಿ, ಸಮಾದಾನ್ ಎಕ್ವೊಟ್ ಆನಿಂ ಬೊಳ್ ದ”
ಆಮಿಂ ಅದ್ಯಾತ್ಮಿಕ್ ಜಿವಿತಾಚಾ ಬೊರೆಪೊಣಾ ಖಾತಿರ್ ಮಾಗಾನಾಂವ್.
ಚಡಾವತ್ ಜಾವ್ನ ಅಸಲಿಂ ಮಾಗ್ಣಿಂ ಆಮ್ಕಾಂ ಲಾಬ್ತಚ್ ಆಮಿಂ ದೆವಾಚೊ ಉಡಾಸ್ ಸೊಡ್ತಾಂವ್.
ಲೋವ್ಕಿಕ್ ವೊಸ್ತುಂನಿ ಆಮಿಂ ಇತ್ಲೆ ಹೊಂದೊನ್ ಆಸ್ತಾಂವ್ ಕಿ ಆಮಿಂ ಅದ್ಯಾತ್ಮಿಕ್ ವೊಸ್ತು ವಿಸರ್ತಾಂವ್.
ಜೆಜುನ್ ಆಮ್ಕಾಂ ಮಾಗೊಂಕ್ ಶಿಕಯ್ಲಾಂ, ತೊ ಆಮ್ಕಾಂ ಶಿಕಯ್ತಾ, ಆಮ್ಚಾ ಬಾಪಾ, ತಾಂತು ಹರೆಕ್ ಪ್ರಕಾರಾಚಿ ಸಮಸ್ಯಾ ಸುದಾರ್ಸುಂಕ್ ತೊ ಶಿಕಯ್ತಾ.
ಆಮಿಂ ಆಮ್ಚಾ ಭುರ್ಗೆಪೊಣಾಚಾ ಮಾಗ್ಣ್ಯಾಂಚಾ ವೊಣ್ತಿಂ ಭಿತರ್ ಥಾವ್ನ್ ಭಾಯ್ರ್ ಪೊಡಾಜಯ್.
ಆಮಿಂ ವೊಡ ಜಾಲ್ಯಾಂವ್ ಆನಿಂ ಆಮ್ಚೆಂ ದಾಯಿತ್ವ್ ಸಮ್ಜಾತಾಂವ್ ಮ್ಹುಳೆಂ ಸತ್ ಆಮಿಂ ಆಮ್ಚೆ ಮುಕಾರ್ ದೊವ್ರಿಜಯ್.
ಆಯ್ಚಾ ಮಿಸಾಚಿಂ ತಿನೀಂ ವಾಚ್ಪಾಂ ಆಮ್ಕಾಂ ದೇವ್ ಆಮ್ಚಾ ಗರ್ಜಾಂಕ್ ಕಸೊ ಪಾವ್ತಾ ಮುಳೆಂ ಶಿಕಯ್ತಾತ್.
ದೆವ್ ತಾಣಿ ರಚ್ಲೆಲ್ಯಾ ಹರೆಕಾ ರಚ್ಣಿಂಕ್ ತೊ ಪೊಸ್ತಾ ತೆಂ ಸತಚ್.
ಹೆಂ ಆಮ್ಕಾಂ ಆಯ್ಚೆಂ ಪೊಯ್ಲೆಂ ವಾಚಾಪ್ ಸಾಂಗ್ತಾ,
ಕಶೆಂ ಫೊಫೆತ್ ಇತ್ಲ್ಯಾ ಉಣೆ ಭಾಕ್ರ್ಯಾನಿ ಸಮೆಸ್ತಾಂಕ್ ಪೊಟ್ ಭೊರ್ ಜೆಂವ್ಕ್ ದಿತಾ.
ಆಯ್ಚೊ ವಾಂಜೆಲ್ ಆಮ್ಕಾಂ ಶಿಕಯ್ತಾ ಕಶೆಂ ಜೆಜು ತಾಚಾ ಶಿಸಾಂಕ್ ಆಸ್ಲೆಲ್ಯಾ ವೊಸ್ತುನಿ ಸುದಾರ್ಸಿಯಾ ಮುಣ್ ಶಿಕೊಣ್ ದಿತಾ.
ಆಧುನಿಕ್ ಲೊಕ್ ಬಾರೀ ಸ್ವಾರ್ಥಿ ಜಾಲಾ.
ಆಮ್ಚಾ ಜಿವನಾಂತ್ ಕಿತ್ಲೆಂ ಆಸ್ಲ್ಯಾರೀ ಆಮಿಂ ಖುಶಿ ಪಾವಾನಾಂತ್.
ಆಮಿಂ ಅನಿಕೀ ಜಾಯ್ ಮುಳೊ ಮನೊಭಾವ್ ಘೆವ್ನ್ ಜಲ್ಮಾತಾಂವ್.
ಆಸ್ಲೆಯಾಂತ್ ತ್ರಪ್ತ್ ಜಾವ್ಯಾಂ ಮ್ಹುಳೊ ಮನೊಭಾವ್ ಬಾರೀ ಉಣೆಂ.
ಆಮಿಂ ಆಯ್ಕಾತಾಂವ್ ಮುನಿಸ್ ಚಡ್ಲ್ಯಾತ್, ದೆಕುನ್ ಕುಟ್ಮಾಂಚೆ ನಿಯೊಜನ್ ಕರ್ಯಾಂ.
ಉಣೆಂ ಭುರ್ಗಿಂ ಜಾಲಿಂ ತರ್ ಆಮಿಂ ಮೊಸ್ತ್ ಪ್ರಗತಿ ಕರುಂಕ್ ಸಕ್ತೆಲ್ಯಾಂವ್.
ಅಸಲಿಂ ಚಿಂತ್ನಾ ಆಮಿಂ ವಿಗ್ಯಾಪನಾಂತ್ ವಾಚ್ತಾಂವ್ ಟಿವಿ ಚೆರ್ ಪೊಳೆತಾಂವ್.
ಅಸಲೆಂ ಚಿಂತಾಪ್ ಆಮ್ಚೆಂ ಕರುಂಕ್ ಆಯ್ಚಿಂ ಕುಟ್ಮಾ ಕಿತ್ಲೆಂ ಪ್ರಯತನ್ ಕರ್ತಾತ್?.
ಅಶೆಂ ಆಮಿಂ ಪರ್ಯಾವರಣ್ ಪಾಡ್ ಕರ್ನ್ ಪ್ರಕ್ರತಿ ವಿದ್ರುಪ್ ಕೆಲ್ಯಾ.
ದೆವಾನ್ ಇತ್ಲಿ ವಿಷಾಲ್ ಪ್ರಕ್ರತಿ ರಚ್ಲ್ಯಾ, ತೀ ಸಗ್ಳ್ಯಾ ಸಂಸಾರಾಕ್ ಪುರೊ ಪೂಣ್ ಅನಾವಶ್ಯಕ್ ಹ್ಯೊ ವೊಸ್ತು ಉಪಯೊಗ್ಸುನ್ ಆಮಿಂ ಪ್ರಕ್ರತಿ ಪಾಡ್ ಕೆಲ್ಯಾ..
ಆಮಿಂ ಸಿಮಿತ್ ರಚ್ಣಾ ಮುಣ್ ವಿಸ್ರೊನ್ ಆಮಿಂಚ್ ದೇವ್ ಮುಣ್ ಆಮಿಂ ಫೊಟ್ಕಿರಿ ಸಮ್ಜೊಣಿ ಕರ್ನ್ ಆಸ್ತಾಂವ್.
ತ್ಯಾ ದೆಕುನ್ ಆಯ್ಚಾ ವಾಂಜೆಲಾಂತ್ ಜೆಜು ಆಪ್ಲ್ಯಾ ಸಿಸಾಂಕ್ ಆಸ್ಲೆಯಾ ವೊಸ್ತುಂಚೆ ಹೊಂದೊನ್ ರಾವಾ ಮುಣ್ ಶಿಕೊಣ್ ದಿತಾ.
ಜೆಜು ಶಿಕಯ್ತಾ ತೊಚ್ ಹ್ಯಾ ಉಜಾಡ್ ಪ್ರದೆಶಾಚೊ ಉದ್ದಾರ ಕರ್ತ್ ಮುಣ್.
ಆಸ್ಲೆಲ್ಯಾ ಉಂಡ್ಯಾ ಆನಿಂ ಮಾಸ್ಳ್ಯಾನಿಂ ಸಮೆಸ್ತ್ ಲೊಕಾಕ್ ಪೊಟ್ ಭೊರಾಸರ್ ಖಾಂವ್ಕ್ ದಿತಾ.
ಆಮಿಂ ಭರ್ವೊಸೊ ಧರ್ನ ಹರೆಕಾ ಆಯ್ತಾರಾ ಮಿಸಾಂತ್ ವಾಂಟೊ ಘೆತಾಂವ್.
ಜೆಜು ಆಮ್ಕಾಂ ಸಮೆಸ್ತಾಂಕ್ ತಾಚಾ ಕುಡಿ ಆನಿಂ ರಗ್ತಾಂನ್ ಪೊಸ್ತಾ.
ಜಶೆಂ ಇಸ್ರಾಯೆಲ್ ಪರ್ಜೆಚಾ ಜಿವಿತಾಂತ್ ಘಡ್ಚಿಂ ಹರ್ ಘಡಿತಾಂ ತೆ ದೆವಾಚಾ ಹಾತಾಂತ್ ಥಾಂವ್ನ್ ಎಂವ್ಚಿಂ ಮುಣ್ ಪಾತ್ಯೆತೆಲೆ ಗಿ ತಶೆಂಚ್ ಆಮಿಂ ಯಾ ಆಜ್ ಕರಿಜಯ್.
ಆಮಿಂ ಆಮ್ಚೆಂ ಜಿವನ್ ಆಮ್ಚಾ ಸೆಜಾರ್ಯಾಂ ಇಸ್ಟಾಂ ಮಂತ್ರಾ ವೊಯ್ರ್ ಹೊಂದೊನ್ ರಾಂವೊಕ್ ಸೊಡುನಜೊ..
ಆಮಿಂ ಹ್ಯಾ ಸಂಸಾರಾಂತ್ ಸಂಸಾರಾಚಾ ಪರಿಧಿಂತ್ ಜಿಯೆಂವ್ಕ್ ಶಿಕಾಜಯ್..
ಆಸ್ಲೆಲ್ಯಾ ಇಲ್ಲ್ಯಾ ಇಲ್ಲ್ಯಾ ವೊಸ್ತುನಿ ಆಮಿಂ ತ್ರಪ್ತ್ ಜಾಯ್ಜಯ್..
ದೇವ್ ಮುಣ್ತಾ ಹಾಂವೆ ಹಾಂಕಾ ಸಕ್ಡಾಂಕ್ ರಚುನ್ ಮೊಸ್ತ್ ಬೊರೆಂಪೊಣ್ ಕೆಲಾಂ ತೆಂ ಬೊರೆಂ ಪೊಣ್ ತಾಕಾ ದಿಸಾಶೆಂ ಜಾಂವ್ದಿ..
ಆಜ್ ಕಾಲ್ ಲೊಕ್ ರೆತಿರೆಂಕ್ ವೆತಾ, ಕಾರಿಸ್ಮಾತಿಕ್ ಜಾಲ್ಯಾತ್.
ಹರೆಕಾ ಪಾವ್ಟೀ ಪ್ರೆಯ್ಜ್ ದ ಲೊರ್ಡ್ ಮುಣ್ತಾತ್, ಥಾಂಕ್ ದ್ ಲೊರ್ಡ್ ಮುಣ್ತಾತ್.
ಹೊ ಉದ್ಗಾರ್ ಬೊರೊ, ಪೂಣ್ ಖಂಯ್ ವರೆಗ್ ಹೆಂ ಸ್ವಾಭಾವಿಕ್ ರಿತಿನ್ ಲೊಕ್ ತಾಂಚಾ ಜಿವಿತಾಂತ್ ಲಾಗು ಕರ್ತಾತ್?
ತುಮ್ಚಾ ಮೊಗಾಚೊ
ದೆಯ್ವಿಕ್ ಸೊಬ್ದಾಚೊ ಸಾಂದೊ,
ಬಾಪ್ ಜುಜೆ ವಾಸ್ ಎಸ್.ವಿ.ಡಿ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ