ಪೊಂದ್ರಾವೊ ಆಯ್ತಾರ್ ಸಾಧಾರಣ್ ಕಾಲ್ ವೊರ್ಸ್ B 15-07-12 ವಿಷಯ್: ಮಿಸಾಂವಾ ಖಾತಿರ್ ಥಿರ್ ಕರ್ಚೆಂ

ಪೊಂದ್ರಾವೊ ಆಯ್ತಾರ್ ಸಾಧಾರಣ್ ಕಾಲ್ ವೊರ್ಸ್ B 15-07-12 ವಿಷಯ್: ಮಿಸಾಂವಾ ಖಾತಿರ್ ಥಿರ್ ಕರ್ಚೆಂ ಆಮೊಸಾಚಾ ಬುಕಾಂತ್ಲೆ ಪೊಯ್ಲೆಂ ವಾಚಾಪ್ 7:12-15 ಯಾವೆ ಆಮೊಸ್ ಪ್ರವಾದಿಕ್ ಎಕಾ ಪ್ರತ್ಯೆಕ್ ಕಾರ್ಯಾಕ್ ವಿಂಚ್ತಾ. ಎಫೆಜ್ ಗಾರಾಂಚಾ ಪತ್ರಾಂತ್ಲೆ ದುಸ್ರೆಂ ವಾಚಾಪ್ 1:3-14 ಕ್ರಿಸ್ತಾ ಥಂಯ್ ಆಮ್ಕಾಂ ವಿಷೆಸ್ ದೆಣಿಂ ಲಾಬ್ಲ್ಯಾಂತ್. ಮಾರ್ಕುಚಾ ವಾಂಜೆಲಾಂತ್ಲೊ 6:7-13 ಬಾರಾ ಜಣಾ ಆಪೊಸ್ತಲಾಂಚೆ ಮಿಸಾಂವ್. ದೇವ್ ಕೆದಾಳಾರೀ ಅಸ್ಕತ್ ಮುನ್ಶಾಂಕ್ ಇಂಚುನ್ ತಾಂಕಾ ವಿಷೆಸ್ ದೆಣ್ಯಾಂನಿ ಭೊರ್ನ್ ತಾಂಕಾ ಬೊಳಾದಿಕ್ ಕರ್ತಾ.. ಹೆಂ ನವಾಲ್ ಆಮಿಂ ಆಮ್ಚಾಚ್ ವೆಳಾರ್ ಮಾಂ ತೆರಜಾಚಾ ಜಿವಿತಾಂತ್ ಪೊಳೆಲಾಂ. ತಿಣೆ ಸದಾಂ ಮ್ಹುಣ್ಚೆಂ ಆಸ್ಲೆಲೆಂ. "ದೇವ್ ಸಮರ್ಥೆವೊಂತಾಂಕ್ ವಿಂಚಿನಾ ತೊ ತಾಂಕ್ ನಾತ್ಲೆಲ್ಯಾಕ್ ವಿಂಚುನ್ ತಾಂಕಾ ತಾಂಕಿವೊಂತ್ ಕರ್ತಾ". ದೇವ್ ಕೆದಾಳಾರೀ ಆಮ್ಚಿಂ ಪಾತ್ಕಾಂ ನಂಯ್ ಆಮ್ಚೆಂ ಬೊರೆಂ ಪೊಣ್ ಪೊಳೆತಾ.. ಆತಾಂಚೊ ಕಾಳ್ ಮಾದ್ಯಮಾಂಚೆ ಯುಗ್, ಸದಾಂ ನಮುನೆ ನಮುನೆಂಚಿ ಕರ್ತುವಾಂ ಜಾಲ್ಲಿಂ ಮಾದ್ಯಮಾರ್ ಫಾಯ್ಸ್ ಜಾತಾತ್.. ಅಸಲ್ಯೊ ಖೊಬ್ರೊ ಆಮಿಂ ಆಮ್ಚಾ ಇಸ್ಟಾಂ ಮಿತ್ರಾಂ ಲಾಗಿಂ ವಾಂಟುನ್ ಘೆನಾಂವ್? ಚಡಾವತ್ ಜಾವ್ನ್ ಖೊಬ್ರೊ ಆಮಿಂ ಸಾಂಗ್ತಾನಾ ತಾಕಾ ಮೀಟ್ ಮಿರ್ಸಾಂಗ್ ಘಾಲ್ನ್ ಸಾಂಗ್ಚೆಂ ಆತಾಂಚಾ ಜನಾಂಗಾಚೊ ಗೂಣ್ ಜಾವ್ನ್ ಗೆಲಾ. ಥೊಡೆ ಸಂವಾದ ದಿತ್ಲೆಲೆ ತಾಂಚಿ ಉತ್ರಾಂ ಪಿಂತ್ರಾಯ್ತಾನಾ ಲೊಕಾಕ್ ಕಶೆಂ ಆಕರ್ಶಿತ್ ಕರ್ಚೆಂ ಗೀ ಮ್ಹುಣ್ ಚಿಂತುನ್ ಲಾಕಾ ಫೊಡ್ನ್ ಸಯ್ತ್ ದಿತಾತ್. ಆತಾಂಚಾ ಕಾಲಾರ್ ಘಡ್ಚಿಂ ಘಡಿತಾಂ ಘಡ್ಯೆ ಭಿತರ್ ಎಕಾ ಜಾಗ್ಯಾ ಥಾವ್ನ್ ದುಸ್ರ್ಯಾ ಜಾಗ್ಯಾಕ್, ವಿದ್ಯುತ್ ವೆಗಾನ್ ಪಾವ್ತಾತ್. ಅಶೆಂ ಮಾದ್ಯಮಾಚೊ ಲೊಕ್, ಪೊಯ್ಶೆ ಕಶೆ ಚಡ್ ಆನಿಂ ಚಡ್ ಕರ್ಚೆಗೀ ಮ್ಹುಣ್ ರಾಕೊನ್ ರಾವ್ತಾತ್. ಮಾದ್ಯಮಾಂಚೊ ಪೊಯ್ಶಾಂಚೊ ಭಂಡ್ವೊಳ್ ದಿಸಾಂದೀಸ್ ಚಡಾತ್ ವೊಸೊಂಕ್ ಅಸಲ್ಯೊ ಮೀಟ್ ಮಿರ್ಸಾಂಗೆಚೊ ಖಬ್ರೊ ಕಾರಾಣ್. ಸಮಲೇಂಯ್ಗಿಕ್ ಕಾಜಾರಾಂ ಖಾತಿರ್ ಕಶೆಂ ಲೊಕಾಚೆಂ ಮೋನ್ ದುಶ್ಟಾಂವ್ಕ್ ಮಾದ್ಯಮಾನ್ ಕುಮೊಕ್ ಕೆಲಿ? ನ್ಯಾಯಾಲಾಯಾನ್ ಸಯ್ತ್ ಹೆಂ ಕಾನುನ್ ಕಶೆಂ ಪರ್ಗಟ್ಲೆಂ? ಸಮಲೇಂಯ್ಗಿಕ್ ಕಾಜಾರಾಂ ಆನಿಂ ಮುಕಾರ್ ನ್ಯಾಯಾಧಾರಿತ್ ಮ್ಹುಣ್ ಕಾನುನ್ ಎಂವ್ಕ್ ಮಾದ್ಯಮಾಂಚ್ ಕಾರಾಣ್. ಇಗರ್ಜ್ ಮಾತಾ ಅಸಲ್ಯಾ ಕಾಜಾರಾಂಕ್ ಅನುಮತಿ ಕೆದಿಂಚ್ ದೀನಾ. ದೆವಾಚಾ ಉಪಾದೆಸಾಂ ವಿರೊದ್ ವೆಚಿಂ ಅಸಲಿಂ ಜೊಡಿಂ, ಹೊಸಂಸಾರ್ ಮುಂದರ್ಸುಂಚಾ ಬದ್ಲಾಕ್, ಹಾಚೊ ನಾಸ್ ಕರುಂಕ್ ಸಾದ್ಯ್. ಅಸಲಿಂ ಅಪ್ರಾಕ್ರತಿಕ್ ಜೊಡೀಂ ಕಶೆಂ ದೆವಾಚಾ ಹುಕ್ಮೆಂ ಪರ್ಮಾಣೆ ಚಲ್ತಿತ್? ತಾಂಚೊ ದ್ಯೆಯ್ ಖಾಲಿ ಕಾಮುಖಿ (ಲೇಂಯ್ಗಿಕ್ ಸುಖ್) ತಾಂತು ಎಕಾ ಮೆಕಾಚೊ ಮೊಗ್ ಹೊಂದೊನ್ ನಾಂಚ್ ನಾ, ಸ್ವಾರ್ಥಿ ಮೊಗ್ ತೊ. ಜರ್ ಮೊಗಾಂತ್ ಸ್ವಾರ್ಥ್ ಹೊಂದೊನ್ ರಾವಾತ್ ತ್ಯಾ ಮೊಗಾಕ್ ಕಾಂಯ್ ಬೆಲೆ ನಾಂ. ಮನೊವೇಗ್ಯಾನಿಕ್ ಲೊಕ್ ಚಿಂತಾ ಅಶೆಂ ಕೆಲ್ಲ್ಯಾನ್ ಎಕಾ ಜೊಡ್ಯಾಚೊ ಮೋಗ್ ಶಾಸ್ವಿತ್ ಉರ್ತಾ ಮೊಣ್ ಹೆಂ ಖಂಯ್ ವರೆಗ್ ಸತ್? ಆಮಿಂ ಹ್ಯಾ ಲೊಕಾಚಾ ಮೊನ್ಜಾಂತಿಕ್ ಸಯ್ತ್ ಪೊಳೆತಾಂವ್. ಕೆವಲ್ ಸ್ತ್ರೀ ಮೊನ್ಜಾತ್ ದಾದ್ಲ್ಯಾ ಮೊನ್ಜಾತಿಚಿ ಮಾತ್ರ್ ಜೊಡಿ ಜಾತಾ. ಆಮಿಂ ಕ್ರಿಸ್ತಾಂವಾನಿ ಪರ್ಗಟ್ ರಿತಿನ್ ಆಮ್ಚೊ ಭಾವಾಡ್ತ್ ಆಮ್ಚೆಂ ನಿಯಮ್ ಎಕಾ ಬೊರ್ಯಾ ದ್ರಶ್ಟಾಂತಾ ರುಪಾರ್ ಲೊಕಾ ಮುಕಾರ್ ದೊವ್ರಿಜಯ್.. ಅಸಲಿಂ ಅಪ್ರಾಕ್ರತಿಕ್ ಜೊಡಿಂ ಹ್ಯಾ ಸಂಸಾರಾರ್ ಆಮಿಂ ಎಂವ್ಕ್ ಪಾವ್ಟ್ ದೀಂವ್ಕ್ ನಜೊ.. ಆಮಿಂ ಹ್ಯಾ ಸಂಸಾರಾಂತ್ಲೆ ಪ್ರವಾದಿ, ಹರೆಕಾ ಪ್ರವಾದಿಕ್ ತಾಚೆಂ ಕಾಮ್ ಕರ್ತಾನಾ ಮೊಸ್ತ್ ನಮುನ್ಯಾಂಚ್ಯೊ ಆಡ್ಕಳಿ ತಾಚೆ ಮುಕಾರ್ ಎತಾನಾ ತಸಲ್ಯಾ ಆಡ್ಕಳಿಂಚೊ ಆಮಿಂ ಧ್ರಡ್ ರಾವೊನ್ ತಾಚೊ ವಿರೊಧ್ ಕರಿಜಯ್. ತವೊಳ್ ಜಯ್ತ್ ಸತಾಕಚ ಲಾಬ್ತಾ ಮುಳೆಂ ಆಮಿಂ ಉಡಾಸ್ ದೊವ್ರಿಜಯ್. ಆಮೊಸ್ ಪ್ರವಾದಿಕ್ ದೆವಾನ್ ತೊ ಎಕ್ ಪ್ರವಾದಿ ನಂಯ್ ಆಸ್ತಾಂ ವಿಂಚುನ್ ಎಕಾ ಅಸಲ್ಯಾ ಕಾಮಾಕ್ ಧಾಡ್ಲೊ. ಥಂಯ್ಚಾ ಪ್ತವಾದಿನಿ ತಾಚಿಂ ಖೆಳ್ಕುಳಾಂ ಕೆಲಿಂ ತೊ ಪ್ರವಾದಿ ನಂಯ್ ತಾಕಾ ಪ್ರವಾದ್ ಕರ್ಚೆಂ ಕಾಮ ಕರ್ಚೊ ಅಧಿಕಾರ್ ನಾಂ ಮ್ಹುಣ್ ಮೊಸ್ತ್ ಆಡ್ಕಳ್ಯೊ ಘಾಲ್ಯೊ. ಪೂಣ್ ಅಖೆರೆಕ್ ದೆವಾನ್ ತಾಕಾಚ್ ಜಯ್ತೆವೊಂತ್ ಕೆಲೆಂ. ಆಮಿಂ ಮೊವ್ನ್ ಪೊಣಾರ್ ಹೆಂ ಆಯ್ಚೆಂ ಸಗ್ಳೆಂ ಮೀಸ್ ಆಯ್ಕೊನ್ ಆಯ್ಚಾ ತಿನೀಂ ವಾಚ್ಪಾನಿ ಆಟಾಪ್ಚೊ ನಿಯಾಳ್ ಆಮ್ಚಾ ಜಿವನಾಂತ್ ಲಾಗು ಕೆಲ್ಯಾರ್ ದೇವ್ ನೀಜ್ ಜಾವ್ನ್ ಆಮ್ಕಾಂ ಆಮ್ಚಾ ದ್ಯೆಯಾ ಥಂಯ್ ಪಾವೊಯ್ತಾ.. ಆಮಿಂ ಚಿಂತಾವ್, ಇಗರ್ಜಮಾತೆಚೊ ಕಾಯ್ದೊ ಕೇವಲ್ ಪಾದ್ರಿಂ ಮಾದ್ರಿಂಚೊ, ಭಿಸ್ಪಾಚೊ ಆನಿಂ ತಾಚಾ ಸಾಂಗಾತ್ಯಾಂಚೊ, ಆಮಿಂ ಖಾಲಿ ಖಾಲ್ತೆ ಭೊಳೆ ಶೆಳಿಯೊ. ತಶೆಂ ನಂಯ್, ಆಮಿಂ ಕ್ರಿಯಾಳ್ ಇಗರ್ಜಮಾತೆಚೆ ಕ್ರಿಯಾಳ್ ಸಾಂದೆ, ಹರೆಕಾ ಕಾರ್ಯಾಂತ್ ಆಮಿಂ ವಾಂಟೊ ಘೆಜಯ್. ಆಮ್ಚಾ ಭಾರತಾಂತ್ ಕ್ರಿಸ್ತಾಂವ್ ಸಮೊಡ್ತ್ ಎವ್ನ್ 2012 ವೊರ್ಸಾಂ ಉತ್ರಾಲ್ಯಾರೀ ಎದೊಳ್ ಆಮಿಂ ಖಾಲಿ 02.05 ಪ್ರತಿಶತ್. ಹೆಂ ಕಿತ್ಯಾಕ್, ಹಾಚೆಂ ಕಾರಾಣ್ ಆಮಿಂ ಎದೊಳ್ ವಾಂಜೆಲ್ ಪರ್ಗಟ್ಚೆಂ ಕಾಮ್ ಕ್ರಿಯಾಳ್ ರಿತಿಂನ್ ಹಾಂತಿ ಘೆಂವ್ಕ್ ನಾಂ. ಆಮಿಂ ಆಮ್ಚೊ ಭಾವಾಡ್ತ್ ಕಳ್ಶೆ ಪೊಂದಾ ಧಾಂಪುನ್ ದೊವ್ರಿಲಾ. ವೇಳ್ ಆಯ್ಲಾ ಆಮಿಂ ತೊ ಉಜ್ವಾಡ್ ಲೊಕಾಕ್ ದಿಸಾ ಸಾರ್ಕೊ ಆಮ್ಚಾ ಆಯ್ಸ್ ಪೊಯ್ಸ್ ಉಕೊಲ್ನ್ ಧರ್ನ್ ದಾಕಯ್ಜಯ್. ಆಮ್ಚೆರ್ ವಿಗ್ನ್ ಅನ್ವಾರ್ ಆಯ್ಲಾಂ ಮ್ಹುಣ್ ಭಾವಾಡ್ತ್ ಆಮಿಂ ಸೊಡಿನಾಂಯೆ.. ಹಾಂವ್ ಆದಿವಾಸಿ ಲೊಕಾ ಸಾಂಗಾತಾ ಮಿಸಾಂವ್ ಕರ್ತಾಂ. ತೆ ಬಾರೀ ಹುಶಾರ್, ಎಕ್ ಆಂಬೊ, ಎಕ್ ಪೇರ್, ಎಕ್ ಕಸಲೆಂಯ್ ಫೊಳ್ ಜಾಂವ್ ವೆಗ್ಗಿಂ ಪಿಕೊಂಕ್ ತಾಣಿ ಎಕ್ ವಿಶೆಸ್ ಸೂತ್ರ್ ಆಪ್ಣಾಯ್ಲಾಂ ತೆ ತ್ಯಾ ಫೊಳಾಕ್ ಕಿಮ್ಚುಂನ್ ದುಕಯ್ತಾತ್, ದೊನ್ ದಿಸಾಂ ಭಿತರ್ ತೆಂ ಪಿಕ್ತಾ. ರಬ್ಬರ್ ರುಕಾಕ್ ಟ್ಯಾಪ್ ಕರ್ಚೊ ಕಾಮಾಚೊ ಕಿತೆಂ ಕರ್ತಾ? ತಾಕಾ ಘಾಯ್ ಕರ್ತಾ, ತ್ಯಾ ಘಾಯಾ ಥಾವ್ನ್ ಎಂವ್ಚೆ ಮೇಣ್ ತಾಕಾ ಆರ್ಥಿಕ್ ಕುಮೊಕ್ ದೀನಾಂ? ಅಶೆಂಚ್ ಆಮ್ಚೆರ್ ಎಂವ್ಚಿಂ ವಿಗ್ನಾ ಆಮ್ಚೊ ಭಾವಾಡ್ತ್ ವಿಸ್ತಾರುಂಕ್ ಎಕ್ ಪಾವ್ಟ್ ಜಾತಾ ಮ್ಹುಣ್ ಆಮಿಂ ಉಡಾಸ್ ದೊವ್ರಿಯಾಂ.. ಸಾಂ ಪಾವ್ಲು ಎಕ್ ಪೊಟಿ ದೆವಾಚೊ ಆವಾಜ್ ಆಯ್ಕಾ ತಜ್ ಪಾಟಿಂ ಸರಾನಾ. ತಾಚೆರ್ ಮೊಸ್ತ್ ನಮುನ್ಯಾಂಚಿ ವಿಗ್ನಾ ಆಯ್ಲಿಂ ತೊ ನಿರಾಸ್ ಜಾಂವ್ಕ್ ನಾಂ. ದೆಕುನ್ ತೊ ಎಫೆಜಗಾರಾಂಕ್ ತಾಕಿದ್ ದಿತಾ ಆನಿಂ ಸಾಂಗ್ತಾ ತುಮಿಂ ಸರ್ಗಾಚೆ ನಾಗರಿಕ್. ದೆವಾಚೊ ಪೂತ್ ಜೆಜು ಕ್ರೀಸ್ತ್ ತುಮ್ಚೊ ಧನಿಂ ತಾಣೆಂ ತುಮ್ಕಾಂ ಪಾತ್ಕಿ ಸಂಸಾರಾಂತ್ಲೆ ಉತ್ರೊನ್ ಸ್ವತಂತ್ರ್ ಜಾಗ್ಯಾಕ್ ಹಾಡ್ಲಾಂ. ತುಮಿಂ ಸದಾಂ ಸರ್ಗಾಚೆ ನಿವಾಸಿ ಮ್ಹುಣ್ ಚಿಂತುನ್ ತುಮ್ಚಿಂ ಕಾಮಾಂ ಕರಿಜಯ್. ಆಮ್ಚೆ ಮೊದ್ಲೆ ಕಿತ್ರೆ ಜಣ್ ಆಮಿಂ ಸರ್ಗ್ನಿಂಚೆ ನಾಗರಿಕ್ ಮ್ಹುಣ್ ವೊಳ್ಕಾತಾಂವ್? ಆಮ್ಕಾಂ ಧಯ್ರ್ ಆಸಾ ಆಮಿಂ ಸಾಲ್ವಾರ್ ಜಾಲ್ಲಿ ಪರ್ಜಾ? ಆಯ್ಚೊ ವಾಂಜೆಲ್ ಆಮ್ಕಾಂ ಖಂತ್ ಕರುನಜೊ ಮುಣ್ ಶಿಕಯ್ತಾ. ಜೆಜುನ್ ತಾಚಾ ಸಿಸಾಂಕ್ ತಾಂಚೆ ಕಾಮ್ ಕರುಂಕ್ ಧಾಡ್ತಾನಾ, ತಾಂಕಾ ತಾಕಿದ್ ದಿಲಿ ತುಮಿಂ ಕಾಂಯ್ ಹೊರಿನಾಕಾತ್. ದೆವಾಚೆರ್ ಪಾತ್ಯೆಯಾ. ತೊ ತುಮ್ಕಾಂ ಕೆದಿಂಚ್ ಸೊಡ್ನ್ ಘಾಲಿನಾಂ ಆಮ್ಚೊ ಭಾವಾಡ್ತ್ ಆಮ್ಕಾಂ ದೆವಾಚೆರ್ ಪಾತ್ಯೆಂವ್ಕ್ ಸೊಡ್ತಾ. ಆಮಿಂ ಖಂತ್ ಬೆಜಾರಾಯ್ ಕರಿನಾಂವ್? ಆಮ್ಕಾಂ ಖಂತ್ ಬೆಜಾರಾಯ್ ಜಾತಾನಾ ಆಮಿಂ ಮಾಗ್ಣೆಂ ಕರಾ ಮುಣ್ ಪಾದ್ರಿಂ ಮಾದ್ರಿಂ ಲಾಗಿಂ ಧಾಂವ್ತಾಂವ್. ಮಾಗ್ಣೆಂ ಚಲೊಂಚಾ ಆಮ್ಚಾ ಸೆಜಾರ್ಯಾ ಲಾಗಿಂ ವೊಸೊನ್ ಮ್ಹುಜಾ ಪುತಾಕ್/ಧುವೆಕ್ ಕಾಮ್ ಮೆಳೊಂದಿ, ತಾಕಾ ಸೀಟ್ ಮೆಳೊಂದಿ, ತಾಕಾ ಬೊರೆ ಮಾರ್ಕ್ ಮೆಳೊಂದಿ ಮುಣ್ ವಿನಂತಿ ಕರಿನಾಂವ್. ಖಂಯ್ ಗೊಲೊ ಆಮ್ಚೊ ಭಾವಾಡ್ತ್?. ಜೆಜು ಎಕಚ್ ಆಶೆತಾ, ಆಮಿಂ ಪಾತ್ಕಿ ಜಿಣಿಂ ಸೊಡ್ನ್ ದೆವಾಚೊ ಸಹಕಾರ್ ಘೆಜಯ್ ಮುಣ್.. ಜೆಜುನ್ ಆಮ್ಕಾಂ ಇತ್ಲೊ ವೊರ್ತೊ ಸಾಕ್ರಾಮೆಂತ್ ದಿಲಾ ಆಮಿಂ ಕುಮ್ಸಾರ್ ಜಾವ್ನ್ ಆಮ್ಚಿ ಪಾತ್ಕಿ ಜಿಣಿಂ ಸಾಂಡುಂಕ್ ಸಕ್ತಾಂವ್. ಪೂಣ್ ಜಾಲಾಂ ಕಿತೆಂಗೀ ಮ್ಹುಳ್ಯಾರ್ ಆಮಿಂ ಪಾತ್ಕಾಥಂಯ್ ಇತ್ಲೆ ಹೊಂದೊನ್ ಗೆಲ್ಯಾಂವ್ ತಾಕಾ ಸೊಡುಂಕ್ ಆಮ್ಕಾಂ ಮೊನ್ ನಾಂ.. ಆಮಿಂ ಕಿತ್ಲೊ ಶ್ಯೊ ಕಾಣಿಂಯೊ ಘಡಿತಾಂ ಆಯ್ಕೊಂಕ್ ನಾಂತ್? ಸುಟಾಂವೆ ಕುಮ್ಸಾರ್ ಜಾತೆಚ್ ಜಾಲ್ಲಿ ತೆಂ ಅಜರ್ಯೆಂ ಮುನ್ಶಾಚಾ ಜಿವನಾಂತ್. ಹಾಂವ್ 1965 ಮೊಸ್ತ ಸಿಕ್ ಆಸ್ಲೊಲೊಂ. ಒಪರೆಶನ್ ಜಾಂವ್ನ್ ಬೆಡ್ಡಾ ಥಾವ್ನ್ ಉಟೊನಜೊ ಮ್ಹುಣ್ ದಾಕ್ತೆರಾನಿಂ ಮಾಕಾ ತಾಕಿದ್ ದಿಲ್ಲಿ. ಎಕ್ ದೀಸ್ ಎಕ್ ಮ್ಹುಜಾ ಕೀ ಚಡ್ ಸಿರಿಯಸ್ ಮೊನಿಸ್ ಮುಜಾ ಖಾಟಿಯೆಲಾಗಿಂ ಭರ್ತಿ ಜಾಲೊ. ತಾಚಿ ಬಾಯ್ಲ್ ರಡಾತ್ ಆಸ್ಲೆಲಿ. ಮಾಕಾಂ ತಾಂಚಿ ಭಾಸ್ ಎನಾತ್ಲೆಲಿ. ಹಾಂವೆ ಹಾತ್ ಭಾಷೆನ್ ತಿಕಾ ಇಚಾರ್ಲೆಂ ಕಿತೆಂ ತುಂ ರಡ್ತಾಯ್? ತಿ ಮ್ಹುಣಾಲಿ ಮುಜೊ ಪೊತಿ 14 ವೊರ್ಸಾಂ ಥಾಂವ್ನ್ ಇಗರ್ಜೆ ಬಾಗಿಲ್ ಪೊಳೊಂಕ್ ನಾಂ ಆತಾಂ ತೊ ಸಿರಿಯಸ್ ಆನಿ ತೊ ಮೊರ್ತಾ ತೆಂ ಖಂಡಿತ್. ಹಾಂವೆ ತಿಕಾ ಹಾತ್ ಭಾಶೆನ ಕಳಯ್ಲೆಂ ತೊ ಕುಮ್ಸಾರ್ ಜಾವ್ನ್ ಮೊರ್ತೊಲೊ. ತೆ ರಾತಿಂ ಮಾಕಾಂ ನೀದ್ ಎಂವ್ಮ್ ನಾಂ ಹಾಂವ್ ಮಾಗ್ಣೆ ಕರಿತ್ ರಾವ್ಲೊ. ಸುಮಾರ್ 4 ವೊರಾರ್ ಸಾಕಾಳಿಂ ಹಾಂವ್ ಕಸೊ ಉಟ್ಲೊಂ ಆನಿ ಬೆಡ್ಡಾ ಥಾವ್ನ್ ಸಕಯ್ಲ್ ದೆವ್ಲೊಂ ಮಾಕಾಚ್ ಗೊತ್ತುನಾಂ ಹಾಂವ್ ಲೊವ್ ಬೆಡ್ಡಾಕ್ ಧರ್ನ್ ತಾಚಾ ಬೆಡ್ಡಾ ಸರ್ಸಿಂ ಗೆಲೊಂ ತಾಚೊ ಹಾತ್ ಗಟ್ಟ್ ಧರ್ನ್ ಮಾಗೊಂಕ್ ಸುರು ಕೆಲೆಂ ಎಕಾ ವೊರಾ ಉಪ್ರಾಂತ್ ತೊ ಮ್ಹುಣಾಲೊ ಮಾಕಾ ಕುಮ್ಸಾರ್ ಜಾಯ್ಜಯ್. ಪಾದ್ರಿಕ್ ಆಪೊನ್ ಕುಮ್ಸಾರ್ ಕರಯ್ಲೆಂ. ಎಕಾ ದಿಸಾಭಿತರ್ ತೊ ದೆವಾದೀನ್ ಜಾಲೊ. ನಂಯ್ ಗೀ ಹೆಂ ಎಕ್ ಅಚರ್ಯೆಂ?. ಆಮ್ಚೆಂ ಹರೆಕ್ಲ್ಯಾಚೆಂ ಮಿಸಾಂವ್ ಜಾವ್ನಾ ಸಾ ಪಾತ್ಕ್ಯಾಕ್ ದೆವಾಥಂಯ್ ಪೊರ್ತೊಂಕ್ ಪಾವ್ಟ್ ದಿಂವ್ಚೆಂ. ಹೆಂ ಕಾಮ್ ಆಮಿಂ ಮಿಸಾಂವಿ ಲೊಕಾ ಬರಿಂ ಕರುಂಕ್ ತಯಾರ್ ಜಾಯಾಂ. ತುಮ್ಚಾ ಮೊಗಾಚೊ, ದೆಯ್ವಿಕ್ ಸೊಬ್ದಾಚೊ ಸಾಂದೊ, ಬಾಪ್ ಜುಜೆ ವಾಸ್ ಎಸ್.ವಿ.ಡಿ.