sargim arohaN moriyechen

 ಸರ್ಗಿಂ ಆರೊಹಣ್ ಮೊರಿಯೆಚೆಂ 15 ಅಗೊಸ್ತ್  2012 
ಆಯ್ಚೊ ವಿಷಯ್: ಮೊರಿ ಆಮ್ಚಾ ಜಿವಿತಾಂತ್
ಜುಂವಾಂವ್ಕ್ ಮೆಳ್ಳೆಲೆಂ ಉಗ್ಡಾಪಣಾಂತ್ಲೆಂ ಪೊಯ್ಲೆಂ ವಾಚಾಪ್ 11:19, 12:1-6, 10 ಸ್ತ್ರೀ ಆನಿಂ ಮಾಹಾ ಸರೊಪ್
ಕೊರಿಂಥಗಾರಾಂಕ್ ಬೊರಯ್ಲಾ ಪೊಯ್ಲ್ಯಾ, ಪೊತ್ರಾಂತ್ಲೆಂ,  ದುಸ್ರೆಂ ವಾಚಾಪ್ 1 Cor 15-20-27 ಮೊರ್ನಾಚೆರ್ ಜಯ್ತ್ ವೆಲ್ಲೊ ಜೆಜು ಆಮ್ಕಾ ಆಪ್ಲ್ಯಾ ಬಾಪಾ ಮುಕಾರ್ ಹಾಡ್ತಾ.
ಲುಕಾಚಾ ವಾಂಜೆಲಾಂತ್ಲೆಂ ಆಯ್ಚೆಂ ವಾಚಾಪ್ 1:39-56 ಎಲಿಜಾಬೆತಿ ಚಾ ಗರ್ಬೆಸ್ತಪೊಣಾಚಿ ಖಬೊರ್ ಆಯ್ಕೊನ್, ಮೊರಿ ಆಪ್ಲ್ಯಾ ಮಾವ್ಶೆ ಭಯ್ಣಿಕ್ ಭೆಟೊಂಕ್ ವೆತಾ.
ಭಾಗೆವೊಂತ್ ಬಾಪ್ ಪಾಪ್ ಸಾಯ್ಬ್ ಪಿಯುಸ್ ಬಾರಾವೊ ಆಮ್ಚಾ ಜಿವಿತಾಂತ್ ರೊಂಬೊನ್ ಗೆಲಾ.
ತಾಣಿಂ 1950 ನವೆಂಬರಾಚಾ ಎಕ್ ತಾರಿಕೆರ್ ಮೊರಿಯೆಚೆಂ ಸರ್ಗಿಂ ಆರೊಹಣಾಂಚೆ ಫೆಸ್ತ್ ಸಮೆಸ್ತ್ ಕ್ರಿಸ್ತಾವಾಂಕ್ ದಿಲೆಂ
ಭಾರತಾಂತ್ ಹೆಂ ಫೆಸ್ತ್ ಆಮಿಂ ಅಗೊಸ್ತಾಚಾ 15 ತಾರಿಕೆರ್ ಆಚರ್ಸಿತಾಂವ್.
ಹೊ ದೀಸ್ ಆಮ್ಕಾಂ ಭಾರತಿಯಾಂಕ್ ಎಕ್ ವೊರ್ತ್ಯಾ ಸಂತೊಸಾಚೊ.
ಆಮಿಂ 1947 ಇಸ್ವೆಂತ್ ಸ್ವತಂತ್ರ್ ದೇಶ್ ಜಾಲ್ಯಾಂವ್.
ಆಮ್ಚಾ ಸಮೆಸ್ತ್ ಭಿಸ್ಪಾನಿ ಮೆಳೊನ್ ಹೊ ದೀಸ್ ಆಮ್ಕಾಂ ಮೊರಿಯೆಚೆಂ ಸರ್ಗಿಂ ಘೆಂವ್ಚೆ ಫೆಸ್ತ್ ಆಚಾರ್ಸುಚೊ ದೀಸ್ ಜಾವ್ನ್ ನಮಿಯಾರ್ಲೊ.
ಮೊರಿಯೆಕ್ ಕ್ರಿಸಾಂವ್ ಸಮೊಡ್ತಿಚಾ ಜಿವಿತಾಂತ್ ಎಕ್ ಮಹತ್ವಾಚೊ ಜಾಗೊ ವಾತಿಕಾನ್ ದುಸ್ರ್ಯಾ ಸಭೆನ್ ಪೊರ್ತುನ್ ಘಟ್ ಕೆಲೊ.
ತಿಕಾ ಕುಡಿ ಅತ್ಮ್ಯಾ ಸಮೆತ್ ಸರ್ಗಾರ್ ಘೆವ್ನ್ ದೆವಾಬಾಪಾ, ದೆವಾ ಪುತಾ ಆನಿ ದೆವಾ ಸ್ಪಿರಿತಾನ್ ಮಾನ್ ದಿಲಾ.
ತಿ ಜೀಜ್ ಜಾವ್ನ್ ರಾಣಿ ರಾಯಾಂ ರಾಯಾಂಚಿ.
ದೆವಾಚಾ ಪವಿತ್ರ ಪಿರಾಣಾನ್ ಇಗರ್ಜಮಾತೆಚಾ ಜಿವಿತಾಚೊ ಆಧಾರ್.
ತಾಣೆಂ ಆಪ್ಲ್ಯಾ ಪ್ರಭಾವಾನ್ ಜೆಜುಚಾ ಸಿಸಾಂಕ್ ಬೊಳ್ ಘಟಾಯ್ ದೀವ್ನ್ ಇಗರ್ಜ್ ಮಾತೆಕ್ ಶಾಸ್ವಿತ್ ರಿತಿನ್ ಹ್ಯಾ ಸಂಸಾರಾಂತ್ ಬಾಂದುಕ್ ಕುಮೊಕ್ ಕೆಲ್ಯಾ.
ತಾಣೆಂಚ್ ಮೊರಿಯೆಕ್ ಇಗರ್ಜೆಂತ್ ಎಕ್ ವಿಶೆಸ್ ಜಾಗೊ ದಿಲಾ.
ತಿಣೆ ಜೆಜು ಸಾಂಗಾತಾ ಜೆಜುಚಾ ಮಿಸಾಂವಾಂತ್ ಸಂಪೊರ್ಣ್ ರಿತಿನ್ ವಾಂಟೊ ಘೆತ್ಲೊ.
ಆತಾಂ ತಿ ತಿಚಾ ಪುತಾ ಸಾಂಗಾತಾ ತೊ ಕಸೊ ಬಾಪಾ ಸಾಂಗಾತಾ ಆಸಾಗೀ ತಶೆಂಚ್ ತೀಯ್ ಆತಾಂ ತಾಂಚಾ ಸಾಂಗಾತಾ ಕುಡಿ ಅತ್ಮ್ಯಾ ಸಾಂಗಾತಾ ಜಿಯೆತಾ.
ತಿ ಪಾತ್ಕಾವೀಣ್ ಖತಾವೀಣ್ ಮೊರಿ ಆಜ್ ಸಮೆಸ್ತ್ ಲೊಕಾಚಿ ಶಾರೊತಿಣ್.
ದೆವಾನ್ ತಿಕಾ ತಿಚಾ ಭೊಳೆಪೊಣಾಕ್ ಲಾಗೊನ್ ತಿಕಾ ಕುಡಿ ಅತ್ಮ್ಯಾ ಸಮೆತ್ ಸರ್ಗಾರ್ ಆಪೊನ್ ವೆಲಾಂ.
ದೆವಾನ್ ತಿಕಾ ತಾಚಾ ಪುತಾಚಿ ಖತಾವೀಣ್ ಆವೊಯ್ ಮ್ಹುಣ್ ರಚ್ಲೆಂ.
ತಿಣೆಂ ಆಪ್ಲಿ ಜಿಣಿ ದೆವಾಚಾ ಸೆವೆ ಖಾತಿರ್ ಸಮರ್ಪಿತ್ ಕೆಲಿ.
ತಿಕಾ ದೆವಾಚೆಂ ಆಪೊಣೆ ಆಯ್ಲೆಂ ಆನಿ ತಿಂಣೆ ತೆಂ ಆಪೊಣೆಂ ಸ್ವಿಕಾರ್ ಕರ್ನ್ ಮ್ಹುಳೆಂ ಹಾಂವ್ ದೆವಾಚಿ ಚಾಕರ್ನ್.
ಮೊರಿಯೆಕ್ ದೆವಾನ್ ಪಾತ್ಕಾ ಥಾಂವ್ನ್ ರಾಕ್ಲೆಂ.
ಹೆಂ ತಾಣೆಂ ಆಪ್ಲ್ಯಾ ಪುತಾಚಾ ಜಲ್ಮಾ ಖಾತಿರ್ ಎಕ್ ಅಚರ್ಯೆಂ ಘಡ್ಲೆಂ.
ಆಮ್ಕಾಂ ಸಮೆಸ್ತಾಂಕ್ ದೆವಾನ್ ರಚ್ಲಾಂ ವೊಯ್ ಪೂಣ್ ಆಮಿಂ ಸಮೆಸ್ತ್ ಆಮ್ಚಾ ಆದಿ ಆವೊಯ್ ಬಾಪಾಯ್ಚಿಂ ಭುರ್ಗಿಂ ತಾಂಣಿ ಅವಿಧೆಯ್ಪೊಣಾನ್ ತಾಂಚೆ ಪವಿತ್ರ್ಪೊಣ್ ಹೊಗ್ಡಾಯ್ಲೆಂ.
ತಾಚೊ ಪ್ರತಿಫೊಳ್ ಆಮಿಂ ಪಾತ್ಕಾಂತ್ ಜಲ್ಮಾತಾಂವ್.
ಜೆಜುನ್ ಆಮ್ಕಾಂ ಪಾತ್ಕಾಚಾ ಮೂಳ್ ಗುನ್ವಾವಾಂ ಥಾವ್ನ್ ಸೊಡಯ್ಲಾಂ
ಹಾಚಿ ಎಕ್ ನೀಜ್ ರೂಪ್ ಜಾವ್ನಾಸಾ ಜೆಜುಚಿ ಆವೊಯ್ ಮೊರಿ.
ತಿಕಾ ನಂಯ್ ಖಾಲಿ ಜೆಜುಚಿ ಆವೊಯ್ ಜಾಂವ್ಚೆ ಭಾಗ್ ಮೆಳ್ಳೆಂ ಬಗಾರ್ ತಿ ಪಾತ್ಕಾಚಾ ಗುನ್ಯಾವಾಂಥಾವ್ನ್ ಬಚಾವ್ ಜಾಲಿ.
ದೆಕುನ್ ಮೊರ್ನಾ ಉಪ್ರಾಂತ್ ದೆವಾನ್ ತಿಕಾ ಸರ್ಗಿಂ ಘೆತ್ಲೆಂ ಆನಿಂ ತಾಂಚಾ ಸಾಂಗಾತಾ ದೊವ್ರಿಲಾಂ.
ಆಮಿಂ ಸಮೆಸ್ತ್ ದೆವಾಚಾ ನದ್ರೆಂತ್ ಬರಾಬರ್.
ಪೂಣ್ ಪಾತ್ಕಾಚೊ ವೊಸೊ ಆಮ್ಚೆ ಥಂಯ್ ಆಸಾ ದೆಕುನ್ ಆಮಿಂ ಪಾತ್ಕಾಚಾ ಖೊಟೆಪೊಣಾಂತ್ಲೆ ಬಚಾವ್ ಜಾತಾಂ ವರೆಗ್ ಆಮ್ಕಾಂ ಪ್ರಯತನ್ ಕರ್ನ್ ಪಾತ್ಕಾಚಿ ಸುಟ್ಕಾ ಮೆಳೊಂ ತಯಾರಾಯ್ ಕರುಂಕ್ ಆಸಾ.
ಜೆಜುಕ್ ಮೊರಿಯೆನ್ ದುಸ್ರ್ಯಾ ಸ್ರಿಂಯಾ ಬರಿಂ ಜಲ್ಮ್ ದಿಲೊ.
ತಿಕಾಯ್ ಯೆಣೊ ಎವ್ನ್ ತಿಣೆ ಜಲ್ಮ್ ದಿಂವ್ಚೊ ಅನ್ಭವ್ ಜೊಡ್ಲೊ.
ಪೂಣ್ ತಿಕಾ ದೆವಾನ್ ಪಾತ್ಕಾಚಾ ಖೊಟೆಪೊಣಾಂತ್ಲೆ ರಾಕ್ಲೆಂ.
ಮೊರಿಯೆಕ್ ತಿಚಾ ಪುತಾಚಾ ಕಸ್ಟಾಂಚಿ ವೊಳೊಕ್ ಆಸ್ಲೆಲಿ.
ತಿಣೆಂ ತಿಚಾ ಪುತಾಕ್ ಖುರ್ಸಾಚೆಂ ಮೊರ್ನ್, ಖುರ್ಸಾಚೆ ವೊಳ್ವೊಳೆ ಪೊಳೆಲೆ.
ಎಕೆ ಆವೊಯ್ಕ್ ತಿಚಾ ಪುತಾನ್ ಸೊಸ್ಚೆ ಕಸ್ಟ್ ಸೊಸುಂಕ್ ಕಶ್ಟ್ ಜಾಲೆ ಜಾಲ್ಯಾರೀ ತಿ ಜೆಜು ಸಾಂಗಾತಾ ಖುರ್ಸಾಚಾ ವಾಟೆರ್ ಚಲ್ಲಿ.
ಆಜ್ ಆಮಿಂ ಭಾರಿತಿ ಸ್ವತಂತ್ರ್ ಮುಣ್ ಆಮ್ಕಾಂ ವೊಳ್ಕಾತಾಂವ್.
ಪಾತ್ಕಾಂತ್ಲಿ ಸಡ್ವೊಣ್ ಆನಿಂ ದುಸ್ರ್ಯಾಚಾ ಗುಲಾಂಮಪೊಣಾಂಥಾವ್ನ್ ಸಡ್ವೊಣ್ ಜರುರ್ ಎಕಾಮೆಕಾಕ್ ಸಂಬದ್ ಜಾಲ್ಲಿ ಗಜಾಲ್.
ಆಮಿಂ ಇಂಗ್ಲೆಂಡಾಚಾ ಲೊಕಾ ಅಧೀನ್ ಆಸ್ತಾನಾ ಆಮ್ಕಾಂ ಸ್ವತಂತ್ರ್ ಕಿತೆಂ ಮ್ಹುಣ್ ಸಮ್ಝೊಂಕ್ ನಾಂ.
ತಾಂಣಿ ಆಮ್ಚೆಂ ದಾಯ್ಜ್ ತಾಂಚಾ ದೆಶಾಕ್ ಸಾಗ್ಸಿಲೆಂ.
ಆಮ್ಕಾಂ ಸಮ್ಜೊಂಕ್ ನಾಂ.
ಆಜ್ ಆಮಿಂ ಜೆದ್ವಾಂ ಆಮ್ಕಾಂ ಆಮ್ಚೆರ್ ಕಸ್ಟ್ ಎತಾತ್, ದಗ್ದೊಣಿ ಎತಾ ತವೊಳ್ ಆಮಿಂ ಸಮ್ಜಾತಾಂವ್ ಸ್ವತಂತ್ರ್ ಮ್ಹುಳ್ಯಾರ್ ಕಿತೆಂ?
ಆಜ್ ಆಮ್ಕಾಂ ದೇವ್ ಆಮ್ಚೆ ಜಿವಿತ್ ತಯಾರ್ ಕರುಂಕ್ ಪಾವ್ಟ್ ದಿತಾ.
ಮೊರಿಯೆನ್ ಕಶೆಂ ದೆವಾಚಿ ಚಾಕಾರ್ನ್ ಜಾವ್ನ್ ತಾಚಿ ಖುಶಿ ಕರುಂಕ್ ಪ್ರಯತನ್ ಕೆಲೆಂ ಗೀ ತಿಚ್ ಅವಸ್ತಾ ಆಜ್ ಆಮ್ಚಿ ಜಾಯ್ಜಯ್.
ಆಮಿಂ ಆಮ್ಚೆ ಕಾಂಮ್ ಖಾಲ್ತೆಪೊಣಿ ಕರ್ನ್ ದೆವಾಚೆಂ ರಾಜ್ ಪರ್ಗಟುಂಕ್ ಪ್ರಯತನ್ ಕರಿಜಯ್.
ಆಯ್ಚೆಂ ಪೊಯ್ಲೆಂ ವಾಚಾಪ್ ಆಮ್ಕಾಂ ಸಾಂಗ್ತಾ ಕಶೆಂ ದೇವ್ ಮಹಾಸರ್ಪಾಕ್ ಬಾಂದುನ್ ಘಾಲ್ನ್ ನೊವೆಂ ತಾಚೆಂ ರಾಜ್ ಚಲಯ್ತಾಗೀ ಮುಣ್ ದಾಕಯ್ತಾ..
ದುಸ್ರ್ಯಾ ವಾಚ್ಪಾಂತ್ ಕೊರಿಂತ್ ಗಾರಾಂಕ್ ಬೊರೊಯ್ಲೆಂ ಪತ್ರ್ ಪಾವ್ಲು ಆಮ್ಕಾಂ ಮೆಲ್ವಿಚಾರಾಕ್ ದಿತಾ.
ಜೆಜುನ್ ಆಮ್ಕಾಂ ಪಾತ್ಕಾಂತ್ಲೆ ಸೊಡಯ್ಲಾಂ.
ಹೆಂ ಎಕ್ ಬೊವ್ ವೊರ್ತೆಂ ಕಾಮ್ ಕರ್ನ್ ಆಮ್ಕಾಂ ಸ್ವತಂತ್ರ್ ಕರ್ನ್ ತೊ ಆತಾಂ ಸರ್ಗಾರಾಜಾಂತ್ ಆಮ್ಕಾಂ ಆಪೊವ್ನ್ ಹೊರುಂಕ್ ರಾಕ್ತಾ.
ಸಂತೊಸ್ ಜಾವ್ನಾಸ ಹರೆಕಾ ಮುನ್ಶಾಚೊ ಎಕ್ ಮಹತ್ವಪೂರ್ಣ್ ವಾಂಟೊ.
ತಾಚಿ ಎಕ್ ನದರ್ ಆಮ್ಕಾಂ ಮೊರಿಯೆಚಾ ಆನಿ ಎಲಿಜಾಬೆತಿಚಾ ಭೆಟೆಂತ್ ಪೊಳೊಂಕ್ ಮೆಳ್ತಾ.
ದೆವಾನ್ ಆಮ್ಕಾಂ ಪ್ರತ್ಯೆಕ್ ಥರಾನ್ ಆಪೊವ್ನ್ ತಾಚೆಂ ರಾಜ್ ಪರ್ಗಟುಂಕ್ ಇಂಚ್ಲಾ.
ಆಜ್ ಆಮಿಂ ಭಾರತಾಚೆ ನಾಗರಿಕ್ ಆಮ್ಚಾ ದೆಶಾಚೆಂ ಸ್ವಾತಂತ್ರ್ ಸಂಮಾರಂಬ್ತಾನಾ ಆಮ್ಕಾಂ ದೇವ್ ಪ್ರತ್ಯೆಕ್ ಥರಾನ್ ತಾಚೊ ಸ್ಪಿರಿತ್ ದಿತಾ.
ಆಮಿಂ ಹ್ಯಾ ಸ್ಪಿರಿತಾನ್ ಭೊರೊನ್ ಆಮ್ಚೆಂ ಕಾಮ್ ವಿದೆಯ್ಪೊಣಾನ್ ಕೆಲ್ಯಾರ್ ಎಕ್ ದೀಸ್ ಆಮಿಂಯ್ ದೆವಾಚಾ ಹುಜ್ರಿಂ ಕುಡಿಅತ್ಮ್ಯಾ ಸಮೆತ್ ರಾವ್ಯೆತಾ.
ಹೆಂ ಕರುಂಕ್ ಆಮಿಂ ನಿರಂತರ್ ಪ್ರಯತ್ನಶೀಲ್ ರಾವಾಜಯ್.
ಆಮ್ಕಾಂ ವೇಳ್ ಮೆಳ್ಳಾ. ಆಜ್ ಆಮಿಂ ಆಮ್ಚಾ ದೆಶಾಚೆಂ ಫೆಸ್ತ್ ಆಚರ್ಸಿತಾನಾ.
ದೆವಾಚಾ ರಾಜಾಚೆಂ ವೊಡ್ಪೊಣ್ ಸಮ್ಜೊನ್ ದೆವಾಚಿ ಖುಶಿ ಆಮ್ಚಾ ಜಿವಿತಾಂತ್ ಎಂವ್ದಿ ಮುಣ್ ಮಾಗ್ಯಾಂ.
ತುಮ್ಚಾ ಮೊಗಾಚೊ,
ದೆಯ್ವಿಕ್ ಸೊಬ್ದಾಚೊ ಸಾಂದೊ,
ಬಾಪ್ ಜುಜೆ ವಾಸ್ ಎಸ್.ವಿ.ಡಿ.