ನತಾಲಾಂ ಫೆಸ್ತ್! 25-12-12
ವಿಷಯ್: ನತಾಲಾಂಚಿ ಆಶಾ
ಪೊಯ್ಲೆಂ ವಾಚಾಪ್ ಇಸಾಯಿಯಾ ಪ್ರೊಫೆತಾಚಾ ಪುಸ್ತಕಾಂತ್ಲೆ 9:1-7 ಸಡ್ವೊಣೆಚೊ ಉಜ್ವಾಡ್
ಸಾಂ ಪಾವ್ಲಾಚೆಂ ತಿತಾಚಾ ಪತ್ರಾಂತ್ಲೆ ದುಸ್ರೆಂ ವಾಚಾಪ್ 2:11-14 ದೇವ್ ಆಮ್ಕಾಂ ತಾಚಾ ಸಡ್ವೊಣಿಚೊ ಆದಾರ್ ತಾಚಾ ಪುತಾ ವೊರ್ವಿಂ ದಿತಾ.
ಸಾಂ ಲುಕಾಚಾ ಪುಸ್ತಕಾಂತ್ಲೆವಾಚಾಪ್ 2:1-14 ಸಡ್ವೊಣೆಚೊ ರಾಯ್ ಜಲ್ಮಾತಾ, ಗೊವ್ಳಿ ಭೆಟೆಕ್ ಎತಾತ್.
ಆಮ್ಕಾಂ ಸಾಸೆರ್ದೊತಿಂಕ್ ಇಗರ್ಜ್ಮಾತಾ ನತಾಲಾಂ ಫೆಸ್ತಾಕ್ ತೀನ್ ಮಿಸಾಂ ಭೊಟೊಂಕ್ ಅನುಮತಿ ದಿತಾ.
ಹೆಂ ದೆಣೆಂ ಆಮ್ಕಾಂ ಜೆಜು ಚಾ ಸಡ್ವೊಣೆಚೊ ಉಡಾಸ್ ಥಿರ್ ಕರುಂಕ್ ಕುಮೊಕ್ ದಿತಾ.
ಸಡ್ವೊಣೆಚೊ ರಾಯ್ ಜೆಜು ಆಮ್ಚೆ ಮೊದೆಂ ಜಲ್ಮಾಲಾ ಮುಳೆ ಸತ್ ಸದಾಂ ಆಮ್ಕಾಂ ಕಳ್ತಾ.
ವೊಯ್ ಹಿ 2012 ವೊರ್ಸಾಚಿ ಮೊದ್ಯಾನ್ ರಾತ್ ಆಮ್ಕಾಂ ಎಕ್ ಬೊರೊ ಸಂದೆಶ್ ದೀವ್ನ್ ಆಮ್ಚೆ ಸಡ್ವೊಣೆಚೊ ಉಜ್ವಾಡ್ ಥಿರ್ ಕರುಂಕ್ ಕುಮೊಕ್ ದಿತಾ.
ಜೆಜುಚೊ ಜಲ್ಮ್ ಮುನ್ಶಾಕುಳಾಕ್ ಎಕ್ ನೊವಾಜಿವಿತಾಚಿ ಆಶಾ ಕರುಂಕ್ ಶಿಕಯ್ತಾ.
ಆಮ್ಕಾಂ ಭಾವಾಡ್ತ್ಯಾಂಕ್ ಹೊ ಎಕ್ ನೊವೊ ನಿವಿತಾಚೊ ಶೆವೊಟ್ ಜಾಂವ್ಕ್ ಪಾವ್ತಾ.
ಭಾವಾಡ್ತ್ ಆಮ್ಕಾಂ ಮೆಳ್ಳ್ ನಂಯ್ ಆಮ್ಚಾ ಕಿತ್ಯಾಯ್ ಗುಣಾ ವೊರ್ವಿಂ ಬಗಾರ್ ದೆವಾಚಾ ಅಪರಿಮಿತ್ ದಯೆ ವೊರ್ವಿಂ
ಹೊ ಸ್ವಾಗತ್ ಆಮ್ಕಾಂ ದೆವಾಚಾ ಗುಣಾನಿಂ ಭೊರೊಂಕ್ ಉಲೊದಿತಾ.
ಆಮಿಂ ಆಮ್ಚಾ ಜಿವಿತಾಂತ್ ಹೊ ಸಡ್ವೊಣೆಚೊ ಉಜ್ವಾಡ್ ಕಸೊ ಆಪ್ಣಾಯ್ಲಾ?
ಆಯ್ಚಾ ರಾತಿಚಾ ಮಿಸಾವೆಳಾರ್ ಜೆಜುಕ್ ಆಮ್ಚಾ ಕಾಳ್ಜಾಚಾ ಗರ್ದಾನಾಂಚಾ ಗೊಟ್ಯಾಂತ್ ಜಲ್ಮ್ ಘೆಂವ್ಕ್ ಆಪೊಂಕ್ ಎಕ್ ಉಲೊ ದಿತಾ, ತೊ ಆಮಿಂ ಸ್ವಿಕಾರುಂಕ್ ತಯಾರ್ ಆಸಾಂವ್?
ಪೊಯ್ಲ್ಯಾ ವಾಚ್ಪಾಂತ್ ಇಸಾಯಿಯಾ ಪ್ರವಾದಿ ಆಮ್ಕಾ ಆಶಾ ಕರಾ ಭಾವಾಡ್ತ್ ತುಮ್ಕಾಂ ಮೆಳ್ತಾ ಮುಳೆ ಸತ್ ಸಮ್ಜಾಂವ್ಕ್ ಪ್ರಯತನ್ ಕರ್ತಾ.
ತಾಚಾ ಕಾಲಾಚೆ ಭಾವಾಡ್ತಿ ಪೂರ್ಣ್ ರುಪಾನ್ ಆಶಾ ಸಾಂಡ್ಲೆಲೆ, ತಾಂಕಾ ಪೊರ್ಗಾಂವಾಂತ್ ಬಂದಿ ಕರ್ನ್ ವೊರ್ನ್ ತಾಂಚೆರ್ ನಾಂನಾಂ ಥರಾಂಚಿಂ ಅನ್ವಾರಾ ಆಯ್ಲಿಂ ತವೊಳ್ ಇಸಾಯಿಯಾ ಪ್ರವಾದಿನ್ ತಾಂಕಾ ಧಯ್ರ್ ಘೆಂವ್ಕ್ ಉಲೊ ದಿಲೊ.!
ತಾಚಿ ಉತ್ರಾಂ ಆಮ್ಕಾಂ ವಾಚ್ತಾಂನಾ ಧಯ್ರ್ ದಿವಯ್ತಾತ್.
ಆಮಿಂ ಮಿಸಾವೆಳಾರ್ ಹಿಂ ಉತ್ರಾಂ ಆಯ್ಕಾತಾನಾಂ ಆಮ್ಕಾಂ ಸಮೆಸ್ತ್ ಭಾವಾಡ್ತ್ಯಾಂಚಾ ಸಾಂಗಾತಾ ಭಾವಾಡ್ತ್ ಸಾಂಬಾಳುಂಕ್ ಘಟಾಯ್ ಮೆಳ್ತಾ.
ಆಮ್ಕಾಂ ಜುದೆವಾಂಚಾ ಲೊಕಾನ್ ಬಾಬಿಲೊನ್ ಗಾಂವಾಂತ್ ಗುಲಾಮ್ ಪೊಣಾಂನ್ ಪರಾದೀನ್ ಜಾವ್ನ್ ಜಿವನ್ ಸಾರ್ಲೆಲೆಂ ಸತ್ ಸಮ್ಜೊಂಕ್ ಎಕ್ ಪಾವ್ಟ್ ಮೆಳ್ತಾ.
ಆಮ್ಕಾಂ ಕಳ್ತಾ ಕಶೆಂ ಜುದೆವ್ ಲೊಕಾನ್ ತಾಂಚಾ ಸೆಜಾರ್ಯಾ ಲೊಕಾ ಬರಿಂ ತಾಂಕಾ ರಾಯ್ ಜಾಯ್ ಮುಣ್ ಹಠ್ ಕೆಲೆಂ ಆನಿಂ ದೆವಾಚೊ ಸಾಂಗಾತ್ ಸೊಡ್ಲೊಗೀ ಮುಳೆಂ ಸತ್ ಆಮ್ಕಾಂ ಸಮ್ಜೊಚಿ ಪಾವ್ಟ್ ಮೆಳ್ತಾ.
ಜುದೆವ್ ಲೊಕ್ ತಾಂಚಾ ಭೊಂವಾರಿಚಾ ಲೊಕಾಚಿ ಸಂಸ್ಕ್ರತಿ ಆಪ್ಣಾವ್ನ್ ಸರ್ವೆಸ್ಪೊರಾ ದೆವಾಥಾವ್ನ್ ಪೊಯ್ಸ್ ಸರೊಂಕ್ ಲಾಗ್ಲೆಲಿ ಕಾಣಿ ವಿವರ್ಸಿತಾ.
ರಾಯಾಚಿ ಸೆವಾ ಕರ್ತಾನಾ ದೆವಾಚಿ ಸೆವಾ ಕರುಂಕ್ ತೆ ವಿಸ್ರಾಲೆ.
ತಾಣಿ ಅನ್ಬಾವಾಡ್ತಿ ಲೊಕಾಚೆಂ ಜಿವನ್ ಜಿಯೆವ್ನ್ ಉನ್ನತ್ ದೆವಾಕ್ ಸಾಂಡ್ಲೊ.
ಸಡ್ವೊಣ್ದಾರ್ ಸೊಮಿಯಾ ದೆವಾಚಿ ಆಶಾ ಇಸಾಯಿಯಾ ಪ್ರವಾದಿ ಲೊಕಾಚಾ ಜಿಣಿಯೆಂತ್ ಹಾಡುಂಕ್ ಪ್ರಯತನ್ ಕರ್ತಾ..
ಸಾಂ ಪಾವ್ಲು ತಿತಾಕ್ ಬೊರಯ್ಲ್ಯಾ ಪತ್ರಾಂತ್ ಸಡ್ವೊಣೆಚಾ ಉಜ್ವಾಡಾಚಿ ಗಜಾಲ್ ತಾಕಾ ಸಮ್ಜಾಂವ್ಕ್ ಪ್ರಯತನ್ ಕರ್ತಾ.
ಹರೆಕಾ ಭಾವಾಡ್ತ್ಯಾನ್ ಕಶೆಂ ಸಡ್ವೊಣೆಚೊ ಉಜ್ವಾಡ್ ತಾಚಾ ಜಿವಿತಾಂತ್ ಫಾಂಕಯ್ಜಗೀ ಮುಳೆಂ ಸತ್ ತೊ ಸಮ್ಜಾಯ್ತಾ.
ಭಾವಾಡ್ತಾಚೆಂ ಕೀರ್ಣ್ ಮೆಳ್ತಚ್ ತೆಂ ಕೀರ್ಣ್ ಆಮ್ಕಾಂ ಉಜ್ವಾಡಾಚಾ ಜಿವಿತಾಂತ್ ಥಿರ್ ಕರುಂಕ್ ಉಲೊದಿತಾ.
ಆಯ್ಚೊ ವಾಂಜೆಲ್ ಆಮ್ಕಾಂ ಜೆಜುಚಾ ಜಲ್ಮಾಚಿ ಕಾಣಿ ಸಾಂಗ್ತಾ!
ಸಾಂ ಲುಕ್ ಆಯ್ಚೊ ವಾಂಜೆಲ್ ಇತಿಹಾಸಿಕ್ ನಾಂವಾನಿ ಗುಂತುನ್ ಆಮ್ಕಾಂ ಇತಿಹಾಸಾಂತ್ ಜೆಜುಚಾ ಜಲ್ಮಾ ಚಿ ಕಾಣಿಂ ಸಾಂಗ್ತಾ.
ತ್ಯಾ ಕಾಲಾರ್ ಲೊಕಾಚೆಂ ಕಾನಿಸ್ಮಾರ್ ಕಾಡ್ಚಿ ಸೊವೊಯ್ ಆಸ್ಲೆಲಿ!
ಸಾಂ ಜುಜೆ ಆನಿ ಮೊರಿ ತಾಂಚೆ ನಾಂವ್ ಬೆತ್ಲೆಹೆಮಾಚಾ ಎಕಾ ಗಾಂವಾತ್ ಬೊರೊಂಚಾ ಖಾತಿರ್ ಥಂಯ್ ಪಯ್ಣಾರ್ ಗೆಲಿಂ.
ಅಸಲ್ಯಾ ಸಂದರ್ಭಾರ್ ಕಸಲಿ ಗಲಾಟಿ ತ್ಯಾ ಗಾಂವಾತ್ ಆಸ್ಲೆಲಿ ಜಾಂವ್ಕ್ ಪುರೊ ಹಾಚಿ ಆಮಿಂ ಕೆವಲ್ ಆಮ್ಚಾ ಮೊನಾಂತ್ ಚಿಂತುನ್ ಪೊಳೊವೆತಾ.
ಕಶೆಂ ಲೊಕಾಚಾ ಖೆಟಿನ್ ತೊ ಗಾಂವ್ ಭೊರ್ಲೊಲೊ ಜಾಂವ್ಕ್ ಪುರೊ
ಜಾಗ್ಯಾಚಿ ವ್ಯವಸ್ತಾ ಕರುಂಕ್ ಹರೆಕ್ಲೊ ಪೆಚಾಡ್ತೊಲೊ ಜಾಂವ್ಕ್ ಪುರೊ.
ಆತಾಂಚಾ ಕಾಲಾ ಬರಿಂ ತವೊಳ್ ವೊಡ್ಲಿಂ ವೊಡ್ಲಿಂ ಹೊಟೆಲಾಂ ಆನಿಂ ರಾವ್ಚಿ ವ್ಯವಸ್ತಾ ನಾತ್ಲೆಲಿ ಜಾಂವ್ಕ್ ಪುರೊ.
ಆಮ್ಕಾಂ ಭುರ್ಗ್ಯಾಂಚಾ ಇಸ್ಕೊಲಾಚಾ ಪ್ರವೆಶಾ ವೆಳಾರ್ ಸರ್ಟಿಫಿಕೆಟೆಚಿ ಗರ್ಜ್ ಪೊಡ್ತಾ.
ಕಾಜಾರಾ ವೆಳಾರೀ ತಾಚಿ ಗರ್ಜ್ ಪೊಡ್ತಾ.
ಅಸಲ್ಯಾ ಸರ್ಟಿಫಿಕೆಟಿಚಿ ಗರ್ಜ್ ಆಮ್ಕಾಂ ಪೊಡ್ತಾ..
ಜುಜೆಕ್ ಆನಿ ಮೋರಿಯೆಕ್ ಅಸಲ್ಯಾ ಸರ್ಟಿಫಿಕೆಟಿಚಿ ಗರ್ಜ್ ಪೊಡ್ತಾನಾಂ ತಿಂ ಬೆತ್ಲೆಹೆಂಮಾಂಕ್ ಗೆಲಿಂ.
ತೆದಾಳಾಚ್ ಜೆಜುಚೊ ಜಲ್ಮಾಚೊ ವೇಳ್ ಲಾಗಿಂ ಪಾವ್ಲೊ.
ಥಂಯ್ ತಾಂಕಾ ರಾವೊಂಕ್ ಜಾಗೊ ಮೆಳಾನಾಸ್ತಾನಾ ಎಕಾ ಗರ್ದಾನಾಚಾ ಗೊಟ್ಯಾಂತ್ ಜೆಜುಚೊ ಜಲ್ಮ್ ಜಾಲೊ.
ಮೊರಿಯೆಚಾ ಮೊಂನಾಂತ್ ಕಸಲಿಂ ಚಿಂತ್ನಾ ಉಬ್ಜಾಲಿಂ ಜಾಯ್ಜಯ್? ತಿಚೊ ಪೂತ್ ಎಕಾ ನಿರ್ಗತಿಚಾ ಜಾಗ್ಯಾರ್ ಜಲ್ಮಾತಾ?
ಜೆಜುಚೊ ಜಲ್ಮ್ ಬೆತ್ಲೆಹೆಮಾಚಾ ಗಾಂವಾಂತ್ ಜಾತಾ ಮುಳೆಂ ಸತ್ ಪ್ರೊಫೆತಾನಿ ಪೊಯ್ಲೆಂಚ್ ಸಾಂಗ್ಲೆಲೆ
ಹ್ಯಾ ಮಿಸ್ತೆರಾಚೊ ಘುಟ್ ತಾಣಿಂ ಮುನ್ಶಾಕುಳಾಕ್ ಸಮ್ಜಾ ಸಾರ್ಕೆಂ ತಾಂಚಾ ಬುಕಾನಿಂ ಬೊರೊನ್ ಸಾಂಗ್ಲಾ!!!!
ಆಮಿಂ 2012 ಇಸ್ವೆಂತ್ ಪೊರ್ತ್ಯಾನ್ ತಾಣಿಂ ದಿಲ್ಲ್ಯಾ ಹ್ಯಾ ಸತಾಚಿ ಗಜಾಲ್ ಆಮ್ಚಾ ಜಿವಿತಾಂತ್ ಸಮ್ಜೊನ್ ಆಮ್ಚಾ ಲಾಗ್ಸಿಲ್ಯಾಂಕ್ ದಿವ್ಯೆತಾ. ಅಸಲೆಂ ಕಾಮ್ ಆಮ್ಕಾ ಎಕಾ ಬೊರ್ಯಾ ಸಾಕ್ಸ್ ದಿಂವ್ಚಾ ಮುನ್ಶಾಂ ಬರಿಂ ಕರ್ಯೆತಾ.
ಆಮಿಂ ಆಧುನಿಕ್ ಕಾಳಾರ್ ಆಮ್ಚಾ ಅನ್ಭವಾಚೊ ವಿವರ್ ಘಡಿಯೆನ್ ಘಡಿಯೆಕ್ ಆಮ್ಚಾ ಮೊಗಾಚಾಂಕ್ ದಿವ್ಯೆತಾ.
ಆತಾಂ ಸುಲಭಾಯೆನ್ ಘಡಿತಾಂಚೊ ವಿವರ್ ಫೊಟ್ಯಾನಿಂ ವಿಡಿಯೊನಿಂ ಪಿಕ್ಚರಾನಿಂ ಸಾಂಗ್ಯೆತಾ.
ಹೆಂ ನತಾಲಾಂ ಫೆಸ್ತ್ ಆಮ್ಕಾಂ ಎಕ್ ನೊವೊ ಶೆವೊಟ್ ದಿಂವ್ ಹೆಂಚ್ ಮಾಗ್ಣೆಂ ಜಾಂವ್ ಆಮ್ಚೆಂ ಸಮೆಸ್ತಾಂಚೆ
ಸಮೆಸ್ತಾಂಕ್ ಎಕ್ ಭಾಗಿ ನತಾಲಾಂಚೆ ಫೆಸ್ತ್
ಮಾಗ್ತಾ ತುಮ್ಚಾ ಮೊಗಾಚೊ
ಬಾಪ್ ಜುಜೆ ವಾಸ್ ಎಸ್.ವಿ.ಡಿ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ