ಜೆಜು ವಾದಾಳ್ ಥಾಂಬಯ್ತಾ.12 ವೊ ಆಯ್ತಾರ್ ಸಾಮಾನ್ಯ್ ಕಾಲ್ ವೊರ್ಸ್ B 24-06-12

12 ವೊ ಆಯ್ತಾರ್ ಸಾಮಾನ್ಯ್ ಕಾಲ್ ವೊರ್ಸ್ B 24-06-12 ವಿಷಯ್: ಜೆಜು ವಾದಾಳ್ ಥಾಂಬಯ್ತಾ. ಪೊಯ್ಲೆಂ ಪಾಚಾಪ್ ಜೊಬಾಚೊ ಬೂಕ್ 3:1,8-11 ಜೊಬ್ ತಾಚಾ ಜಿವನಾಂತ್ ಯೆಂವ್ಚಿ ಅನ್ವಾರಾಂ ಸಮ್ಜೊಂಕ್ ಶಿಕ್ತಾ. ದುಸ್ರೆಂ ವಾಚಾಪ್: ಕೊರಿಂಥ್ ಘಾರಾಂಕ್ ಪಾವ್ಲುನ್ ಬೊರಯ್ಲೆಂ ದುಸ್ರೆಂ ಪತ್ರ್ 5:14-17 ಜೆಜುಚಿ ವೊಳೊಕ್. ವಾಂಜೆಲ್: ಮರ್ಕುಚೊ 4:35-41 ಜೆಜು ಮುಜೆ ಸಾಂಗಾತಾ ಆಸ್ತಾನಾ ಮಾಕಾಂ ಕಸಲೆಂ ಭೆಂ? ಆಮ್ಕಾಂ ಆಮ್ಚೆಂ ಹೆಂ ಜಿವಿತ್ ಎಕಾ ಮಿಸಾಂವಾಂ ಖಾತಿರ್ ದಿಲಾಂ. ಆಮಿಂ ಆಮ್ಚಾ ರಚ್ಣಾರಾಂಚಿಂ ಕಾಮಾಂ ಸಂಸಾರಾರ್ ಲೊಕಾಕ್ ಕಳಯ್ ಜಯ್. ಆಮ್ಚಾ ಜಿವಿತಾಂಚೆ ಪಯ್ಣ್ ಕರ್ತಾನಾ ಆಮಿಂ ಕೆದಾಳಾರೀ ಅಮ್ಚೆಂ ಮಿಸಾಂವ್ ವಿಸ್ರೊಂಕ್ ನಜೊ. ಆಮ್ಚಾ ಜಿವಿತಾಂತ್ ಹರೆಕ್ ಪ್ರಕಾರಾಚಿಂ ವಾದಾಳಾ ತೊ ಥಾಂಬೊಂಕ್ ತಯಾರ್ ಆಸಾ. ಆಮ್ಚಾ ಜೆವಿತಾಚೊ ದರ್ಯೊ ತೊ ತಾಚಾ ಹಾತಾನಿ ಧರ್ನ್ ಥಾಂಬೊಕ್ ಸಕ್ತಾ. ಆಮಿಂ ವಾಟ್ಸುರೆ, ಪಯ್ಣಾರಿ, ಆಮ್ಚಿ ವಾಟ್ ಸಾಗ್ಸಿತಾನಾ, ಆಮ್ಚೆಂ ಪಯ್ಣ್ ಕರ್ತಾನಾಂ ಆಮ್ಚಾ ದೊಣಿರ್ ತೊ ಸದಾಂಚ್ ಆಸಾ. ತಿ ದೋಣ್ ಕಶಿ ಮುಕಾರ್ ವೆತಾ? ನಂಯ್ ಆಮ್ಚಾ ಬೊಳಾನ್, ಬಗಾರ್ ಜೆಜುಚಾ ಕುಮ್ಕೆನ್. ತೊ ಆಮ್ಕಾಂ ನಿದೊನ್ ಪೊಡ್ಲಾ ಸೊ ದಿಸ್ತಾ, ಪೂಣ್ ತೊ ಜಾಗೊಚ್ ಆಸಾ ಆನಿಂ ಆಮಿಂ ಕೆದಾಳಾ ತಾಚಿ ಸಸಾಯ್ ಮಾಗ್ತಾಂಗೀ ಮುಣ್ ರಾಕೊನ್ ಆಸಾ. ಜೆಜು ಮುಜೆ ಸರ್ಸಿಂ ಸದಾಂಚ್ ಆಸಾ ಮುಳಿ ಗಜಾಲ್ ಆಮಿಂ ವಿಸ್ರೊಂಕ್ ನಜೊ. ತೊ ಆಸಾ ಮುಳೆಂ ಸತ್ ಆಮ್ಕಾಂ, ಆಮಿಂ ತಾಚಾ ಕುಮ್ಕೆಕ್ ಹಾಕ್ ಮಾರ್ತಾನಾ ಕಳ್ತಾ. ಜೆಜುಕ್ ಜರ್ ಆಮಿಂ ಹಾಕ್ ಮಾರಿನ್, ತೊ ಆಮ್ಕಾಂ ಕೆದಿಂಚ್ ಸೊಡ್ನ್ ಘಾಲಿನಾ. ಜೆಜು ಆಮ್ಚಾ ಅವಿಷ್ವಾಸಾಕ್ ಆಮ್ಕಾಂ ತಾಕಿತ್ ದೀವ್ನ್ ಸಾಂಗ್ತಾ. ತುಮಿಂ ತುಮ್ಚಾ ವಿಷ್ವಾಸಾಂತ್ ಥಿರ್ ಜಾಯಾ. ಪೊಯ್ಲ್ಯಾ ವಾಚ್ಪಾಂತ್ ಆಮಿಂ ಜೊಬ್ ಪ್ರವಾದಿಕ್ ದೆವಾಚೆರ್ ಹರೆಕಾ ವೆಳಾರ್ ಪಾತ್ಯೆಣಿ ದೊವ್ರುಂಚೊ ಗ್ರಾಯ್ಕ್ ಮ್ಹುಳಿ ರುಜ್ವಾತ್ ದಿತಾ. ಪೊಯ್ಲೆಂ ಪೊಯ್ಲೆಂ ತೊ ದೆವಾಚಿ ಖುಶಿ ಸಮ್ಜಾ ನಾಸ್ತಾಂ, ತಾಚಾಚ್ ಜಲ್ಮಾಚೆರ್ ತೊ ವಿಳಾಪ್ ಅನಿಂ ಖಂತ್ ಆನಿಂ ನಿರಾಸ್ಪೊಣ್ ದಾಕಯ್ತಾ. ಪೂಣ್ ತಾಚಾ ಜಲ್ಮಾಚೊ ಅರ್ಥ್ ಸಮ್ಜಾತಚ್ ತೊ ತಾಚಾ ಜಿವಿತಾಕ್ ಹೊಗೊಳ್ಶಿತಾ. ಆನಿಂ ದೆವಾಚಾ ಹುಜ್ರಿಂ ತೊ ಸಂಪೂರ್ಣ್ ರಿತಿನ್ ಸಮರ್ಪುನ್, ತಾಚಾಚ್ ಹಾತಾಂತ್ ಆಪ್ಣಾಂಕ್ ವೊಪ್ಸುನ್ ದಿತಾ. ಅಶೆಂ ಹರೆಕ್ಲ್ಯಾಕ್ ತೊ ಸಾಂಗ್ತಾ ಜರ್ ತುಮಿಂ ದೆವಾಚಾ ಉತ್ರಾಂಕ್ ಪಾಳೊ ದಿಶಾತ್ ತೊ ತುಮ್ಕಾಂ ಸೊಡ್ನ ಘಾಲಿನಾ. ಲೆವಿಯತಾನ್ ಮ್ಹುಳೊ ಮಹಾಸರೊಪ್ ಸುರ್ಯೊ ಗಿಳ್ಚೆದ್ರಶ್ಯ್ ಆಮಿಂ ಉಗ್ಡಪೊಣ್ ಬುಕಾಂತ್ ವಾಚ್ತಾಂವ್. ಥೊಡೆ ಪಾವ್ಟಿಂ ಹ್ಯಾ ಸಂಸಾರಾರ್ ಚಲೊನ್ ಆಸ್ಚಿಂ ಘಡಿತಾಂ ಸಮ್ಜೊಂಕ್ ಅಮಿಂ ಚಾಲ್ತೆರ್ ಆಸ್ಚಿಂ ಘಡಿತಾ ಕಾಡ್ನ್ ಆಮ್ಚಾ ಜಿವಿತಾಕ್ ಲಾಗು ಕರುಂಕ್ ಪೊಳೆತಾಂವ್. ಉಗ್ಡಾಪಣ್ ಬುಕಾಂತೀ ಅಸಲೆಂಚ್ ಎಕ್ ಘಡಿತ್, "ಎಕ್ ಎಕ್ ಸೊರೊಪ್ ಗಿಳ್ತಾ ಮುಳೆಂ ದಾಕಯ್ಲಾ”(12:3) ಜಾಣ್ವಾಯೆಚೆಂ ಹರೆಕ್ ಉತಾರ್ ಆಮ್ಚಾ ದೆವಾಚಾ ಉತ್ರಾಂನಿ ಭೊರೊನ್ ಆಸಾ. ಹೆಂ ಆಮ್ಕಾಂ ಆಯ್ಚಾ ಪೊಯ್ಲ್ಯಾ ವಾಚ್ಪಾಂತ್ ಕಳ್ತಾ. ಹೆಂ ಜಾಣ್ವಾಯೆಚೆಂ ಸಾಹಿತ್ ಆಮ್ಕಾಂ ಸದಾಂಚಾ ಘಡಿತಾಂ ವಿಶೆಂತ್ ಶಿಕೊಂಕ್ ಪೆಚಾಡ್ತಾ. ಕಶೆಂ ಆಮಿಂ ದೆವಾಚಿಂ ಖುಣಾಂ ಸದಾಂಚಾ ಘಡಿತಾನಿಂ ಪೊಳೆಜಯ್ಗೀ ಮ್ಹುಳಿ ಜಾಣ್ವಾಯ್ ಆಮ್ಕಾಂ ದಿತಾ. ಆಧುನಿಕ್ ಯುಗಾಂತ್ ನಾನಾಂ ಥರಾಂಚೆ ಸಮಸ್ಯೆ ಆಸಾತ್. ದೆವಾಚಿ ಅಗಣಿತ್ ಮಹಿಮೆಚಿಂ ಖುಣಾಂ ಪೊಳೊಂಕ್ ಅಮ್ಕಾಂ ಆಮ್ಚಾ ಭಾವಾಡ್ತಾಚೆ ದೊಳೆ ಜಾಯ್ಜಯ್. ಆಯ್ಚೆಂ ದುಸ್ರೆಂ ವಾಚಾಪ್ ಪಾವ್ಲು ಆಮ್ಕಾ ಕಳಯ್ತಾ ಆಮಿಂ ಕಶೆಂ ಜೆಜು ಸೊವೆಂ ಎಕ್ವೊಟ್ಲ್ಯಾಂವ್. ಆನಿ ತಾಚೆ ಸಾಂಗಾತಾ ಆಮ್ಚೊ ದೀಸ್ ಆನಿ ರಾತ್ ಸಾಗ್ಸುಂಕ್ ತಯಾರ್ ಆಸ್ತಾಂವ್. ಆಯ್ಚೊ ವಾಂಜೆಲ್ ಆಮ್ಕಾಂ ಸಾಂಗ್ತಾ ಕಸೊ ಜೆಜು ಸದಾಂಚ್ ಆಮ್ಚೊ ಸಾಂಗಾತ್ ಸೊಡಿನಾ, ತೊ ನಿದ್ಲೆಲ್ಯಾ ಬರಿ ದಿಸ್ತಾ ಜಾಲ್ಯಾರೀ ತೊ ಆಮ್ಕಾಂ ಕುಮೊಕ್ ಕರುಂಕ್ ಸದಾಂಚ್ ತಯಾರ್. ಜೆಜುಕ್ ಆನಿ ದೆವಾಕ್ ಆಮ್ಚಿ ಪರಿಸ್ತಿತಿ ಗೊತ್ತಸ್ತಾ, ಜಾಲ್ಯಾರಿ ತೊ ಆಮ್ಕಾ ಕುಮೊಕ್ ದೀಂವ್ಕ್ ತಯಾರ್ ರಾವ್ತಾ, ಆಮಿಂ ತಾಚೆಲಾಗಿಂ ಮಾಗ್ತಾಂ ವರೆಗ್. ಆಮ್ಚಾ ಜಿವನಾಂಚೆರ್ ಎಂವ್ಚಿ ವಾದಾಳಾಂ ಆಮ್ಕಾಂ ಕುಡ್ಡೆಂ ಕರ್ನ್ ಸೊಡ್ತಾತ್ ಆನಿಂ ಆಮಿಂ ಆತುರಾಯೆನ್ ಬೊಬೊ ಘಾಲುಂಕ್ ಸಕಾನಾಂವ್, "ಸೊಮ್ಯಾಂ ಹಾಂವ್ ಬುಡ್ತಾಂ ಮಾಕಾಂ ಧರ್". ಆಮ್ಚಾ ಜಿವಿತಾಂತ್ ದೆವಾಚಿ ಸಸಾಯ್ ಮಾಗೊಂಕ್ ಮೊಸ್ತ್ ಪಾವ್ಟಿಂ ಆಮಿಂ ಪಾಟಿಂ ಸರ್ತಾಂವ್ ಆನಿ ಆಮ್ಚಾಚ್ ಬೊಳಾಚೆರ್ ಹೊಂದೊನ್ ಆಸ್ತಾಂವ್. ಆಮ್ಕಾ ದೆವಾಚೆ ಶಾಸ್ವಿತ್ ಸಮಾದನೆಚೆ ದೇಣೆo ಲಾಭ್ಲಾಂ. ಆಮಿಂ ಸಮೆಸ್ತ್ ಪಾತ್ಕಾಂಚಾ ಖೊಟೆ ಪೊಣಾಂತ್ಲೆ ಸುಟೊನ್ ಆಮ್ಕಾಂ ಸಾಲ್ವಾ ಸಾಂವಾಚಿ ಚಾವಿ ಮೆಳ್ಳ್ಯಾ. ಹೆಂ ಸಾಲ್ವಾಸಾಂವಾಂಚೆ ದೆಣೆ ಉಗ್ತೆಂ ಆಮಿಂ ಹ್ಯಾಚ ಚಾವಿಯೆನ್ ಕರ್ಯೆತಾ. ಮೊಸ್ತ ಪಾವ್ಟಿಂ ಆಮಿಂ ಹಿ ಚಾವಿ ಘೆವ್ನ್ ಚಾವಿ ಆಸೊನಿಂ ಆಸಾನಾತ್ಲೆಲ್ಯಾ ಬರಿಂ ಆಮ್ಚಾಚ್ ಖೊಟೆಪೊಣಾಂತ್ ರೊಂಬೊನ್ ಉರ್ತಾಂವ್. ಹೆಂ ಸಾದ್ಯ ಜಾಲೆಂ ಜೆಜುಚಾ ಕಷ್ಟಾ ಮೊರ್ನಾಚಾ ಅಗಣಿತ್ ಮೊಗಾಚಾ ಘುಟಾ ವೋರ್ವಿ . ತೋಚ ಜೆಜು ಸದಾನಂಚ್ ಅಮ್ಚ ಕುಮ್ಕೆಕ್ ಎಂವ್ಕ್ ತಯಾರ್ ರಾವ್ತಾ. ಖಾಲ್ತೆಪೋಣ್ ಜಾಯ್ಜಯ್ ಅಮ್ಚಾ ಜೀವನಾ ಚೊ ಘುರ್ತ್. ತವೋಳ್ ಜಾತಾ ಅಮ್ಚೆಂ ಜಿವಿತ್ ಜೆಜುಚಾ ಉತ್ರಾಂ ಖಾಲ್ ಚಲೋಂಕ್ ಸುಲೊಭ್ ಜಾತೆಲೆಂ. ಆಮ್ಚಾ ಜಿವಿತಾಂತ್ ಕಸಲೆಯ್ ಕಶ್ಟ್ ಎಂವ್ ತೇ ಆಮಿಂ ಖುಷೆನ್ ಘೆಂವ್ಕ್ ತಯಾರ್ ಗೀ? ನಾಂಗೀ ಜೆಜುನ್ ತಾಚಾಚ್ ಶಕ್ತೆನ್ ವಾದಳಾಕ್ ಥಾಂಬೊಕ್? ಅಸಲಿ ಶಾತಿ ಜೆಜುಕ್ ಮಾತ್ರ್ ಅಸ್ಲೆಲಿ ತೆಂಚ್ ಬೋ ಳ್ ಆಮಿ ಮಾಗ್ಲ್ಯಾರ್ ಆಮ್ಕಾಂ ಖಂಡಿತ್ ಮೇಳ್ತಾ. ಕೆದಳಾರಿ ಆಮ್ಚೆನ್ ಸೈಮ್ಬ್ ಆಮಿನ್ ದೇವಕ ಹೊಗೊಲ್ಸುನ್ ಸಾಂಗ್ಚೆನ್ ಆಶಾ ತಾನೆ ಕೆಲ್ಲ್ಯ ಸರ್ವ ಕಾಮಾಕ್ ಆಮಿಂ ತಾಕಾ ದೇವ್ ಬೋರೆಂ ಕರೂ ಮುಂಣುನ್. ಅನಿ ತಾಚಿ ಸ್ತುಥಿ ಕರ್ತಾಂವ್. ಸಮೆಸ್ತಾಂಕ್ ಬೊರೊ ಆಯ್ತಾರ್ ಮಾಗ್ತಾಂ ದಯ್ವಿಕ್ ಸೋಬ್ದಾಚೊ ಸಾಂದೊ. ಬಾಪ್ ಜುಜೆ ವಾಸ್ ಎಸ್.ವಿ.ಡಿ.