ರಾಮಾ ಆಯ್ತಾರ್ ವೊರ್ಸ್  A 13-04-2014

ಪಾಶಾಂವಾ ಆಯ್ತಾರ್: "ರಾಯಾಚೆ ಕಸ್ಟ್" ಜೆಜುಚೆಂ ಮಿಸಾಂವ್.

ಇಸಾಯಿಯಾ ಪ್ರವಾದಿಚಾ ಫುಸ್ತಕಾಂತ್ಲೆಂ ಪೊಯ್ಲೆಂ ವಾಚಾಪ್:50:4-7 ದೆವಾಚೊ ಚಾಕೊರ್ ಕಸ್ಟಾಂಕ್ ಧಯ್ರಾನ್ ಸ್ವಾಗತ್ ಕರ್ತಾ.

ಸಾಂ ಪಾವ್ಲಾಚೆಂ ಫಿಲಿಪ್ಪಿ ಗಾರಾಂಕ್ ಬೊರಯ್ಲ್ಯಾ ಪತ್ರಾಂತ್ಲೆ ದುಸ್ರೆಂ ವಾಚಾಪ್: 2:6-11 ಜೆಜುನ್ ಚಾಕ್ರಾಚೆಂ ರೂಪ್ ಘೆವ್ನ್ ಮೊರ್ನಾ ಪರ್ಯಾಂತ್ ಖಾಲ್ತೊ ಜಾಲೊ.

ಜೆಜುನ್ ಆಪ್ಣಾಕ್ ಪರಿಪೂರ್ಣ್ ರಿತಿನ್ ಖಾಲಿ ಕರ್ನ್, ಮೊರ್ನಾಕ್ ಖಲ್ತಿಮಾನ್ ಘಾಲಿ.

ದೆವಾನ್ ಜೆಜುಕ್ ಮೊರ್ನಾಚೆರ್ ಜಯ್ತ್ ಹೊರುಂಕ್ ಆನಿ ಜಿವಿತ್ ಜಾಂವ್ಕ್ ಆಯ್ತೊ ಕೆಲೊ.

ಸಾಂ ಮಾಥೆವಾಚಾ ವಾಂಜೆಲಾಂತ್ಲೊ: 26:14-27/66 ಸಾಂ ಮಾಥೆವಾಚಾ ವಾಂಜೆಲಾಂತ್ಲೊ ಪಾಶಾಂವ್.

ದೇವ್ ಶಾಸ್ತ್ರಾಚೆಂ ಹೊಂದೊನ್ ಸಾಂ ಮಾಥೆವಾನ್ ಜೆಜು ಕಸ್ಟ್ ವಿವರ್ಸಿಲ್ಯಾತ್.

ಜೆಜುನ್ ಕಸ್ಟಾಂಕ್ ತಾಚಾ ಮೊರ್ನಾಚೆರ್ ಜಯ್ತಾಚೆಂ ರೂಪ್ ದಿಲಾಂ.

ಎಕ್ ಮೆಸ್ತ್ರಿ ತಾಚಾ ಮಿಸಾಂವಾಚೆ ರೂಪ್ ಘಡ್ತಾ ಆನಿಂ ಚಲಯ್ತಾ.

ಹೆಂ ಸಗ್ಳೆಂ ವಿವರಣ್ ಸಂವೆದನಾಂಚೆ ಮೂಳ್.

ಸಗ್ಳೆಂ ವಾಚ್ತಾನಾ ದೂಃಖ್ ಎಂವ್ಚೆಂ ವಾಜ್ಬಿ.

ಹೆಂ ವಿವರಣ್ ಆಯ್ಕಾ ತಾನಾ ದೆವಾಚಾ ಪುತಾಕ್ ಆಮಿಂ ಮಾನ್, ಆಧಾರ್ ಆನಿ ಸತ್ಕಾರ್ ಕರುಂಕ್ ಪ್ರೆರಣ್ ಜಾಂವ್ಚೆ ವಾಜ್ಬಿ.

ಜೆಜು ತಾಚಾ ಪಾಶಾಂವಾಂಚೆ ಉದ್ಗಮ್ ಎಕಾ ಜೆವ್ಣಾಂನ್ ಸುರು ಕರಯ್ತಾ.

ಜೆಜುಚಿ ಕಬ್ಲಾತ್ ಘೆವ್ನ್ ಜೆಜುಚಎ ಶಿಸ್ ತಾಚಾ ಜೆವ್ಣಾಚಿ ತಯಾರಾಯ್ ಕರ್ತಾತ್.

ಕೆಟರಿಂಗ್ ಗಾರಾಂಚಾ ತಯಾರಾಯೆ ಬರಿಂ ವೊಯ್ಲೆ ಕೂಡ್ ತಯಾರ್ ಕರ್ತಾತ್.

ಜೆಜುಚಾ ಜೆವ್ಣಾಕ್ ಕಸಲಿ ತಯಾರಾಯ್ ಕರಿಜಯ್ ಮ್ಹುಳೆಂ ಶಿಸ್ ಆಮ್ಕಾಂ ಶಿಕಯ್ತಾತ್.

ಮಿಸಾಚಾ ಬಲಿದಾನಾಕ್ ಎತಾನಾ ಮ್ಹುಜಿ ತಯಾರಾಯ್ ಕಸಲಿ???

ಆಮಿಂ ಪಾಟ್ಲ್ಯಾ ಚಾಳಿಸ್ ದಿಸಾಂನಿ ಪ್ರಾಚಿತಾನ್, ದರ್ಬಾರಾನ್ ಜೆಜುಚಾ ಹ್ಯಾ ಮಿಸಾಂವಾಂಕ್ ವೇಂಗ್ ಮಾರುಂಕ್ ತಯಾರಾಯ್ ಕೆಲ್ಯಾ.

ಅಶೆಂ ಕರ್ತಾನಾ ಪಾತ್ಕಾ ಪಾಟ್ ಕರ್ನ್, ದೆವಾ ಕುಶಿಕ್ ಆಮಿಂ ಪೊರ್ತಾಲ್ಯಾಂವ್.

ಕುಮ್ಸಾರಾಕ್ ತಯಾರಾಯ್ ಕರಿಜಯ್ ಮ್ಹುಣ್ ಮಾಕಾ ಮೊಸ್ತ್ ಪ್ರೆರಣಾ ಮೆಳ್ತಾತ್, ಹಾಂವೆ ಕಶೆಂ ಹಾಚೊ ಸ್ವಾಗತ್ ಕೆಲಾ?

ದೆವಾನ್ ದಿಲ್ಲ್ಯಾ ಕುರ್ಪೆಚಾ ಘಡಿಯೆಕ್ ಹಾಂವೆ ಕಿತೆಂ ಜಾಪ್ ದಿಲಿ?

ಜೆಜುನ್ ಮ್ಹುಜಾ ಪಾತ್ಕಾಂ ಖಾತಿರ್ ಕಸ್ಟ್ ಮರಣ್ ಸೊಸುನ್ ಮಾಕಾಂ ಪಾತ್ಕಾಂತ್ಲೆ ಸೊಡಯ್ಲಾಂ.

ಆತಾಂ ಮ್ಹುಜಿ ಖುಶಿ ಹೆಂ ಕುರ್ಪೆಚೆಂ ಘಡಿತ್ ಹಾಂವೆ ಉಪಯೊಗ್ಸಿಜಯಗೀ ಯಾ ಸೊಡಿಜಯ್?

ಜೆಜು ಮ್ಹುಜೊ ಸ್ವಾಗತ್ ಕರ್ತಾ.

ಆಮಿಂ ಮೊಸ್ತ್ ಪಾವ್ಟಿಂ ಆಮ್ಚಾ ಜಿವನಾಂತ್ ಜೆಜುನ್ ಕೆಲ್ಲ್ಯಾ ಪವಿತ್ರ್ ಘಡಿಯೆಚೊ ವಿವರ್ ದಿತಾಂವ್.

ಜೆಜುಚಾ ಜೆವ್ಣಾಕ್ ಆಮ್ಕಾಂ ಜೆಜು ಆಪೊಯ್ತಾ.

ಜಶೆಂ ತಾಚಾ ತೆಗಾ ಆಪ್ತ್ ಮಿತ್ರಾಂಕ್ ಘೆವ್ನ್ ತೊ ಗೆತ್ಸೆಮನಿ ಭಾಗಿಂತ್ ಗೆಲೊ ತಶೆಂಚ್ ಮಾಕಾ ಘೆವ್ನ್ ವೊಸೊಂಕ್ ತಯಾರಾಯ್ ಕರ್ತಾ.

ಕಿತೆಂ ಹಾಂವ್ ವೊಸೊಂಕ್ ತಯಾರ್ ಆಸಾಂ?

ಜೆಜು ಭಾಗಿಂತ್ ಎಕ್ಲೊಚ್ ಆಪ್ಲ್ಯಾ ಬಾಪಾ ಲಾಗಿಂ ಉಲೊನ್ ತಾಚೆಂ ದೂಃಖ್ ವಿವರ್ಸಿತಾನಾ ಮ್ಹುಜೆಂ ಕಿತೆಂ ವರ್ತನ್?

ತಾಚಿ ಖ್ಹುಶಿ ಕರುಂಕ್ ಜೆಜು ತಯಾರ್ ನಾಂ ತೊ ಖಾಲಿ ತಾಚಾ ಬಾಪಾಚಿ ಖ್ಹುಶಿ ಕರುಂಕ್ ಆಯ್ಲೊ.

ಹ್ಯಾ ಘಡಿಯೆ ತಾಚೆ ಆಪ್ತ್ ಮೀತ್ರ್ ನಿದ್ರೆಸ್ತ್ ಜಾವ್ನ್ ನಿದೊನ್ ಪೊಡ್ಲ್ಯಾತ್.

ಜೆಜು ಆಜ್ ಪರಿಯಾಂತ್ ಮಾಕಾ ಸೊದುನ್ ಎತಾ.

ಹಾಂವ್ ನಿದೊನ್ ಪೊಡೊಂಕ್ ನಾಂ ಮೂಂ?

ಜೆಜು ಮಾಕಾ ಆಜ್ ಸೊದುನ್ ಎತಾ.

ಹಾಂವ್ ಜುದಾಸಾ ಬರಿಂ ತಾಕಾ ಕಯ್ದ್ ಕರುಂಕ್ ಆಯ್ಲ್ಯಾ ಶಿಪಾಯಾ ಸಾಂಗಾತಾ ನಾಂ ಮೂಂ?

ಆಜ್ ಹಾಂವೆ ಪೆದ್ರು ಬರಿಂ ಮ್ಹುಜಿಂ ಪಾತ್ಕಾಂ ರಡೊನ್ ಜೆಜುಚೊ ಸಾಂಗಾತ್ ದಿಜಯ್.

ಆಜ್ ಲೆಗೊನ್ ಮೊಸ್ತ್ ಲೊಕ್ ಜೆಜು ಖಾತಿರ್ ಮಾಡ್ತಿರ್ ಮೊರ್ತಾನಾ ಹಾಂವೆಂ ತಾಂಚೊ ಸಾಂಗಾತ್ ದಿಜಯ್.

ತುಮ್ಚಾ ಮೊಗಾಚೊ 

ದೆಯ್ವಿಕ್ ಸೊಬ್ದಾಚೊ 

ಬಾಪ್ ಜುಜೆ ವಾಸ್ ಎಸ್.ವಿ.ಡಿ.

09893004626